comScoreTag
FancyBox
FancyBox

Job Market Gossip


Job Market Gossip

論盡辦公室八卦,同一眾打工仔秒殺公司內人情世故、蜚短流長,做個稱職 career man / career woman。宗旨︰懂得做事,亦要懂得做人。


「憎」情剖白

董德少

employee conflict
希望他早日認清職場運作,讓他在不攞人著數的同時,亦不被人攞著數。

「我憎到佢死!」當我問火爆同事F為甚麼表現不合作時,他這樣答。我感動,因為他對我說真心話;同時亦很懊惱,因為在評估報告上寫上任何流露強烈情緒或感情的字眼,都極不恰當。

「所以你唔合作?」我嘗試挖深一層,對同事雙方,以及對我自己都比較好處理易交代。

「德少,你唔會憎人?」同事F單刀直入,透露了他不合作無非因為「憎人」。

「你憎佢啲咩?」我打蛇隨棍上。

「扮晒嘢囉!無料到囉!xx囉!xx囉!xx囉……」說真的,隨了個「囉」字,我沒法recall任何詞彙。

「因為人地『咩咩囉』,所以而家要評估你囉。」我語帶雙關。從F眼中,我看到深深的不忿,轉而動之以情︰「何苦呢?其實睇返你嘅工作表現,係無問題架喎。咁樣寫花你個報告,好唔公平。」隨即把評估文件蓋上,示意「呢度講呢度散」。

「我都係正常人,當然會特別鍾意某啲人,亦會無咁鍾意一啲人。不過慢慢發現,無論鍾唔鍾意都好,啲人都唔會因為個人喜惡而永遠存在或立即消失。返工呀,做嘢啫,唔係話要同佢地過人世,你咩都鑿喺額頭,咪蝕晒章囉。」我不是教F攻心計,只不過希望他早日認清職場運作,讓他在不攞人著數的同時,亦不被人攞著數。

「唉!我明。」F嘆一口氣。

「其實我都明白嘅……」說著說著,我也不覺意說了真心話︰「不過就當係磨練。嗰時啱啱出嚟做嘢,我都遇過啲睇唔順眼嘅人……不過而家唔好話問我憎佢地啲咩,就連問我憎過邊個,都唔記得喇。」

「Conflicts to be resolved.」報告上,我不帶感情寫上一句廢話。憎來憎去,鬥生鬥死,換來不過是廢話。

延伸閱讀︰
-同事間有種親密,叫「距離」

- 辭職真相

- 【魚蛋妹啟示】女神要食飯

- 瀨咗嘢唯你是問!

- 你辭職,我孭飛?

上載日期︰2014年5月12日


Share


Free Subscription

Email