【新冠肺炎】戴口罩戴上癮 網民:愈戴愈有自信

不經不覺,由搶購口罩風潮,至現在「全民戴口罩」,已經超過一個月。在疫情蔓延、每天看新聞留意感染人數的日子裡,大家都開始習慣外出時要戴口罩、帶備酒精搓手液、濕紙巾等防疫衛生用品。有人表示眼鏡時常起霧太麻煩,亦有OL認為戴口罩導致「甩妝」,非常不方便。相反,有人卻覺得戴口罩反而可以增加自信,甚至懷疑自己已經上癮。
 

延伸閱讀:【防疫有法】戴口罩時要注意呼吸! 胸腔內科醫生提醒要改一個壞習慣

打工仔午飯時間除口罩感不安

有網民於討債區發帖文,表示已經習慣每天在公司和街上長期戴口罩:「一開始戴口罩好唔慣,但係戴慣咗,每朝出門口都例牌戴個口罩先返工,越來越覺得有安全感,Lunch除低口罩,反而會有不安感」。網民紛紛表示戴口罩也有各種好處:「對女士們仲好,戴口罩又唔使化妝,又無人見到你咩樣,好有安全感」、「唔使化妝係好慳時間」。有人更揶揄事主對自己的外貌欠自信,指他因為覺得自己「顏值」太低,所以「戴咗(口罩)咪自信心爆棚囉」。

延伸閱讀:【防疫有道】長時間戴口罩令面如火燒出紅疹?戴口罩仍化妝易爆瘡?一個方法避免!

皮膚敏感、呼吸不順也要戴口罩

有人指戴口罩與否,只是因應實際需要:「無話上唔上癮,要用就要戴」。有人則認為戴口罩可以「自我感覺良好」、「感覺戴口罩比較安全」,心理上也有自信點。然而,戴口罩卻有不少缺點:「戴口罩好焗,成日都唞唔到氣,唔可以戴足一日,係公司會來來回除低拉低十幾廿次」、「一啲都唔舒服」。一眾網民表示覺得不習慣:「返到屋企除都除唔切呀,仲話上癮」、「耳仔痛,上唔到隱,一到附近無人,即除一陣口罩,呼吸自由的空氣」。有人更因為戴口罩而導致皮膚敏感:「戴到塊面敏感」、「戴到皮膚差晒,出多咗暗瘡」。
 

Look out for further updates on our Facebook fan page!

Looking for jobs?