comScoreTag
FancyBox
FancyBox

After Work


After Work

像針與線、車與車輪、生命與麵包、工作與生活的關係相輔相成,缺一不可。生活中包含工作,而工作卻並非生活的全部。學習將時間留給生活,將生活留給自己。


消暑攻略:玩轉5大水上活動

文:子都

夏日炎炎,唔想匿喺屋企嘆冷氣咁摺,一於約埋成班朋友出去玩。今次就等小生同大家介紹下5大水上活動,擁抱Cool Times Summer,同你一齊消暑!

1/ 泳灘
地點:康文署轄下公眾泳灘
費用:全免

唔好睇小沙灘,佢係好多人嘅免費娛樂,而且識得玩,可以好好玩。你以為去沙灘只可以堆沙、游水、曬太陽?錯喇,其實一班人仲可以水槍對戰、掟飛碟、玩數字球、打沙灘排球等等等等,愈多人玩愈刺激,消暑順便消脂!

2/ 泳池
地點:康文署轄下游泳池
費用:$19(星期六、日及公眾假期)

泳池勝在夠安全,開得門就一定有救生員當值。如果你泳術唔係特別精湛,可以喺淺水池練習下先,仲可以搵埋家人朋友做你私人教練。練到悶,不妨去隔離嬉水池hea下(如果有嘅話)。

3/ 水上活動中心
地點:西貢、南丫島
費用:每人約 $250

平日去旅行會玩嘅浮潛、獨木舟,同埋比較少見嘅手攪船、衝浪板、直立板,都可以喺水上活動中心玩到,另外亦有水上三輪車同水上單車,種類非常多元化,總有一樣啱你玩。

4/ 遊船河
地點:自訂
費用:每人約 $300

想自由度大啲又唔想同人逼,不妨考慮一班朋友租船出海開P。大部分船家都備有浮床、香蕉船、滑梯等充氣水上玩具,亦可以包餐,有得玩又有得食!如果唔想曬又或者對體力活動無興趣,可以揀夜釣墨魚,度過一個悠閒嘅假日。

5/ 海洋公園夏水禮
地點:海洋公園
費用:成人$385、小童$193

一年一度嘅海洋公園夏水禮今年搵嚟海綿寶寶做主角。會場除咗設有「超級巨沖」、「泡泡狂熱」、「幻彩噴泉陣」、「水戰大激鬥」等玩水設施,仲有「激光迷陣」,完成任務可獲贈特別獎品。至於海濱樂園廣場更會有海綿寶寶同派大星等角色同大家合照,忠粉萬勿錯過!

留意番:而家只要回答一條簡單問題,就有機會獲得海洋公園日間入場門票2張喇!

延伸閱讀︰
-【那年那天】20件大學生必做事

- 【戀人未滿】10大特徵

- 單身者的過節哲學

- 份工教曉我的人生意義

- 要放下一個人,除非……


Share


Free Subscription

Email