comScoreTag
FancyBox
FancyBox

After Work


After Work

像針與線、車與車輪、生命與麵包、工作與生活的關係相輔相成,缺一不可。生活中包含工作,而工作卻並非生活的全部。學習將時間留給生活,將生活留給自己。


無謂故事

賈心潔

tell a story
如有雷同,實屬巧合。

非常時期,似乎說甚麼都不恰當,除了故事。就說一個故事——即是「如有雷同,實屬巧合」的那一種建基於現實,而訴諸於荒謬的「真唔晒,亦假唔得去邊」的虛構故事。

「娘親叫我唔好再食飯。」小朋友A不帶任何感情說。(心裡想︰「試下你地班人係龍定係蟲。」)

「想食咪食囉。」朋友B眼神堅定,任誰看見心裡都有說不出的暖意。(心裡真正的想法是︰「理得你丫,你媽有無叫你唔好食;你到底有無食、會唔會食、想唔想食飯;唔食飯你會唔會死,關我咩事?我有得食就得。」)

「咪係囉。」朋友C舉腳支持。(心裡卻想著︰「陣間向你媽舉報你。」)

「嗯。」朋友D只管點頭。(心裡想︰「睇你點餓死。」)

「係囉係囉。不過又咁……既然你媽叫你唔好食,不如你就食少2粒米。」朋友E加入。(心裡想︰「明知愈叫你唔好食,你就愈要食,最好你就食多2萬碗飯。」)

「不如講個故事,」朋友F輕描淡寫,沒有好想講,亦沒有不想講的意思。「從前,其實都唔係好耐以前;有一個人,其實都係一班人,人數唔係好多,不過亦唔可以話少;佢/ 佢地做咗一啲嘢,其實又可以話無做過啲咩;然後有人話會根據現實情況作出評估,繼而採取相應嘅策略同行動。你或者我相信又好,唔相信也罷;總之大家都相信。」(心裡想︰「其實我講緊咩?你地又聽到啲咩?不過其實都無所謂喇。」)

A、B、C、D和E沒贊成也沒反對,同時亦沒說話、沒表情、沒反應。(心裡,再沒想法。)

本故事純屬虛構,如有雷同,實屬巧合。

在公義的社會裡,這是個笑話。

延伸閱讀︰
- 計準條數,先好跳槽

- 賤男的下場

- 【揀同事】藐人不如睇人

- 【揀老闆】係咪好人「一睇」就知

- 友誼,從散水開始

上載日期︰2014年10月3日


以上內容及資料僅屬個別作者的個人意見,並不代表www.CTgoodjobs.hk的立場。CTgoodjobs對因以上人士張貼之資訊內容所帶來之損失或損害概不負責。
Share


Free Subscription

Email