comScoreTag
FancyBox
FancyBox

Job Market Gossip


Job Market Gossip

論盡辦公室八卦,同一眾打工仔秒殺公司內人情世故、蜚短流長,做個稱職 career man / career woman。宗旨︰懂得做事,亦要懂得做人。


辦公室「八姨太」︰我係你就唔撈

董德少

gossip
每個人都有自己的位置,八姨太亦然,屬老闆的高級收風神器,長做長有。
無可否認,「八姨太」的數量即使未必多過7仔,但亦相差不遠矣,總有幾個在左近。他們為了套料,恆常技倆是「我係你就唔做」,一派全知全能的姿態降臨於世。

八姨太開口埋口叫人辭職,本已見怪不怪,閣下要辭職是閣下的事。每個人心裡都有盤數,同事有更佳的發展,我也樂得為他們開路送行。就是受不了那種自己不走,一味說三道四慫恿人走的八姨太。

「八姨太話,佢係我就唔撈喎。」新仔V感到困擾,特意來找我「懺悔」。不必多說,老早知道阿八的技倆。皆因多年前我還是「德仔」的年代,早就領教過。早幾日,他又來一套︰

「德少,唔好介意我問……」阿八姨太飾演八姨太的角色,爐火純青。我瞄瞄他,他繼續︰「介唔介意我問你個問題?」

有問題就問,甚麼「唔好介意」之後,又來個「介唔介意」?多此一舉。我被訓練有素,駕輕就熟道︰「請講。」嘴角不由自主向上揚。我認我衰仔,設局給八姨太踩。

「其實你個位都好難做,我真係好佩服你,點解可以做咁耐。如果我係你就……大家明啦。」八姨太拍了拍我膊頭,chok料味濃。我當場狠狠打了個冷顫。

八姨太道行高,從來不直接叫人辭職,而是說「如果我係你就唔做」、「咁樣俾我就忍唔到」、「呢啖氣你咁都吞得落」之類,極盡煽動之能事。

「真係唔容易做,而且我發覺愈來愈難做。」八姨太機靈地望著我,笑意淫淫,繼續等我放料。「其實都多得你,如果唔係你幫我嚇走晒啲同事,個個同事都和和平平各施其職,我邊度有掟企。」。

「丫,唔同你講住,啱啱諗起有個會要開。」八姨太滾水淥腳走了。每個人都有自己的位置,八姨太亦然,屬老闆的高級收風神器,長做長有。有甚麼風吹草動,起離心的同事不被慫恿辭職,自然亦命不久矣。

「心裡要有自己嘅步伐,知道咩應該做、咩唔應該做;想做咩,唔想做咩。只要心裡有個底,就唔會咁容易被煽動。我就當今日嘅事無發生過,你自己返去諗清楚先再搵我傾都未遲。」我跟V說。「邊啲人可以信,邊啲人唔可以,你要學識分辨。」

延伸閱讀︰
- 辦公室︰最期待的對白出現鳥

- 盲跟上司的代價

- 「求職」,邊個求邊個?

- 打工仔的30歲前後

- 【4點鐘許Sir】教精打工仔7件事

上載日期︰2014年11月17日

Share


Free Subscription

Email