comScoreTag
FancyBox
FancyBox

Job Market Gossip


Job Market Gossip

論盡辦公室八卦,同一眾打工仔秒殺公司內人情世故、蜚短流長,做個稱職 career man / career woman。宗旨︰懂得做事,亦要懂得做人。


【開會1999】6招講清講楚

文:子都

比起抽象理論,具體事例令人更容易明白、印象更深刻。

世界上最遙遠的距離,唔係生同死,而係溝通唔到!老老竇竇,好多打工仔都覺得雞同鴨講令人抓狂,尤其係趕工趕到躁底的時候。但你又有無諗過同事發夢、Get錯其他嘢、回應時九唔答八的原因,係因為佢理解能力低(可能真係),定你表達能力差?今日等小生同大家分享6個說話技巧,拒絕1999。

1/ 開門見山
時間就是金錢,今時今日乜都要快,無人會有耐性聽你轉彎換角講一堆廢話開場白,再估你想鋪墊啲咩。應該一嚟就講重點,盡量簡潔,最好可以好似廣告Slogan咁一句講曬,然後Just do it!

2/ 解釋原因
每個人都有自己的立場,重點在於如何說明、論證一個觀點,從而令其他人Buy你、使全Team人同步。發表完偉論後,宜進一步說明背後的因果關係及邏輯,令同事對工作有更全面的理解,減少執行時因溝通不良出現的錯誤。

3/ 講故仔
比起抽象理論,具體事例令人更容易明白、印象更深刻,較有耐性聽落去。解釋觀點時可以運用真實例子、生動故事,甚至親身經歷,配合語調、動作、表情,挑起對方興趣,讓他保持專注。

4/ 先抑後揚
說話前先從別人角度出發,思考下對方可能會拋出的反對意見,並率先於會上提出,然後再證明其不足或錯誤之處。經過上述辯證過程,別人自然會覺得你的意見更值得採信。

5/ 用力埋尾
就算你講到天花龍鳳,對方仍然可能因為專注力同精神狀況等問題(又或者純粹係你講得太耐),而忘記你的說話重點。所以喺結束前適度咁強調、重複,有助緊扣主題,確保達到說話目的。

6/ 將心比己
事不關己,己不勞心。要提起別人興趣,必須連結說話內容與對方的切身關係,令對方唔單只同意你,更加會按照你的想法行動。凡事企喺對方立場諗吓,係交際必經步驟,會直接影響你同人溝通的深廣度。

延伸閱讀︰
- 派散水餅的藝術 識撈 vs 抵死之選

-【轉工開價】20大熱門職位搵幾多?

- 打工仔5句「阿Q語錄」

- 做老公老婆的條件

-【即管笑】打工仔10大詐病藉口

上載日期:2015年11月24日


Share


Free Subscription

Email