【醫護熱話】升職面試被迫問打咗針未?幾時打?叫幾多個同事打?

相信很多打工仔都有面試的經驗,求職、轉職、以至內部升職都需要面試,而當中都遇有面試官發問不少奇怪又難答的問題。早前有文章分享見工最奇怪問題大全,有一從事醫護行業的網民則留言分享自己內部升職面試的慘況……

延伸閱讀:【另類職人】前啱Channel演員柔柔 由幕後到幕前再轉做瑜伽導師

該女網民在某政府醫院中擔任病房護士,她指大家每天都被上司施以很大的打針壓力,每日就是何大家打針了沒,就連升職面試都需要回答這些問題,就如被審問一樣……

即睇事主分享和其他網民回應:﹙按圖了解﹚

事主:「見工奇怪問題大全?我升職面試嗰時被問嘅問題都好怪,怪到我覺得自己似犯人……」

事主:「佢哋一連串咁問我:『打咗針未?未打咁幾時打?等我mark低嗰日睇你嗰日係咪嚟打。』」

事主:「之後仲問:『你打算叫幾多個同事嚟打?你有幾多成信心叫到你嘅同事嚟打?』」

事主:「我有同事答有十足信心,跟住畀人問:『點解咁有信心?到時我睇吓你啲同事係咪嚟晒打針!』

事主:「我真係想請教返佢叫咗幾多人同點叫!做乜啫而家?咁答又唔啱,答完又要串你幾句,點答先滿意?」

事主:「我啲同事肯唔肯去打針,我控制到咩?我本身有十足信心,點知大家都唔打,咁又入我數?啲高層係咪太得閒?」

事主:「而家啲上司就日日推住架打針車巡邏,日日問人打針未,真係好煩!」

事主:「之前就淨係covid啲針,而家仲加埋流感針……」

網民:「有需要就自然會自己打!迫乜啫?」

網民:「如果打針死咗,佢哋點賠返條命畀人?」

網民:「真係唔升好過升,畀人咁審法……」

網民:「就算自己打咗,都要叫埋其他人去打,打份工都咁大壓力……」

網民:「我都係做護士,呢啲係under醫管局嘅常態嚟……」

 

政府不時呼籲叫大家打針,巿民認為有需要的自然會去打,但一些有心理或身體上實際考慮的人士,為甚麼就不能讓大家自己決定呢?難道身為醫護人員就一定要首當其衝地為大家試藥?他們不能作為正常巿民地考慮自己?而且,以強權和壓力威迫員工,這是政府機構應當使用的方法嗎?這實在值得反思。

延伸閱讀:【另類職人】前啱Channel演員柔柔 由幕後到幕前再轉做瑜伽導師

延伸閱讀:【另類職人】街巿出身空姐轉行開凍肉鋪 無暇因公司倒閉而失落:要向前行生活!

延伸閱讀:【另類職人】自小幫家人開雞檔 現以跳舞、演藝為生 Catry:從來冇為街巿出身而自卑!

延伸閱讀:【另類職人】凶宅清潔師見盡凶案現場 血跡未算最驚心 更試過被報夢…

延伸閱讀:【戶外工作】以新聞攝影紀錄歷史 上山下海、更曾中彈 只憑一份使命感

延伸閱讀:【另類職人】劍擊十年 由運動員到社工 轉職感言:兩者最着重同是「溝通」

Look out for further updates on our Facebook fan page!

Looking for jobs?