【NGO熱話】新同事返兩日嫌悶 同事:錯漏百出、日日伸懶腰十幾次!

社會上愈來愈多NGO,很多人都覺得在NGO工作的員工,一定是非常有熱誠,懷着滿腔抱負才會加入NGO工作。不過,其實NGO與正常的公司亦很相似,有着各種不同的人,亦一樣有懶人……

延伸閱讀:【退休年齡】近8成醫管局員工 贊成延至65歲退休

讀者Lucy﹙化名﹚投稿,指她工作的機構最近在NGO的義工配對平台找了一個在學的女生做marketing工作,沒想到這位女生的工作態度如此散漫……
 
即睇事主分享:﹙按圖了解﹚
  •  
  • 事主:「配對平台其實幾好用,成功配對合適人選嘅機率都高,我哋機構都用過幾次,所以今次又再用。」
    事主:「通常post完個job ab之後,就會有面試,同正常搵工程序差唔多,只不過呢個係義工。」
    事主:「我哋同嗰個女仔Mandy﹙化名﹚面試嗰陣,都覺得佢正正常常,只係講嘢比較被動少少。」
    事主:「不過我哋個marketing post主要係寫網站內容為主,所以覺得佢應該勝任到。」
    事主:「但到佢正式返工,一坐埋位就已經不停伸懶腰,即係我哋唔係唔畀人伸懶腰咁專制,只係佢每10分鐘就伸一次,我擔心佢有五十肩……」
    事主:「如果年紀輕輕大學生就已經五十肩,真係好慘!佢坐喺我前面,其實日日係咁伸懶腰都幾騷擾。」
    事主:「因為佢次次伸完都會打到我個partition……好煩呀,有冇咁攰呀!你都係一個星期返兩三日啫……」
    事主:「之後聽其他同事講,原來Mandy返咗兩日已經嫌悶,話寫埋啲宣傳內容好冇意義,唔使點用腦都寫到。」
    事主:「吓?既然咁容易,點解都係咁多錯字、錯格式、copy and paste嘅痕跡?其實喺嫌三嫌四前,係咪要做足本份先呢?」
    事主:「可能啲人會覺得嚟做義工唔收錢,就唔應該對佢哋有要求,不過做義工唔係要大家拖捨,擔任一個崗位就有其工作職責,好好完成先係盡責。」
    事主:「或者呢份工真係唔太適合Mandy,與其勉強佢做,不如鼓勵佢搵過另一份義工好過。」
    義工都要盡責
    其實不論義工還是正職,都需要對自己的工作盡責,很多人以為做義工就不用認真,但請謹記,大家並不能抱着拖舒的心態而去做義工,每項工作都有其要求,不能因為自己是義工的身份而自行降低工作要求,這只會令自己的名聲受損,是不要得的工作態度。

    如果覺得悶、委屈的話,其實大可以選擇適合自己的工作,別再蹉跎大家的時間和浪費大家的精力。

    延伸閱讀:【退休年齡】近8成醫管局員工 贊成延至65歲退休
    延伸閱讀:【NGO熱話】女上司冇見識、日鬧夜鬧 新同事即辭職:點解要咁卑微?
    延伸閱讀:【移民潮】香港護士協會調查︰53%護士擬移民
    延伸閱讀:【NGO熱話】放棄做酒店 想轉行NGO 家人反對兼鬧到狗血淋頭……
    Look out for further updates on our Facebook fan page!

    Looking for jobs?