【NGO百科】物理治療師前身為健身教練? 一次拗柴成入行契機

曾有報道指本港物理治療師(Physiotherapist)流失率高,人手長期短缺但是人工卻非常可觀,如果選擇任職私人機構,二級物理治療師起薪已約$30,000,亦可以自立門戶開診所,創一番事業;可是,並非人人入行都只向錢看。


從事此行已8年多的註冊物理治療師秦梓瑋(Arnold)分享現時有兩職在身,既是私人診所的Freelancer,亦有NGO的兼職工作,工作自由度較大,可以更專注跟進個案,亦可騰出更多時間兼顧家庭。

拗柴成入行契機 由健身教練轉行物理治療師
Arnold表示最初自己沒有打算入行當物理治療師,「之前喺加拿大讀書,修讀緊人體運動學,有一年打波拗柴,返香港放暑假時睇醫生,同個醫生傾開我讀呢科,佢問我有冇興趣讀物理治療,仲話可以寫信推薦我讀。其實當時唔明點解第一次見佢,佢就咁同我講,嗰刻我仲同佢講我冇興趣!」

大學畢業後,Arnold在當地大型健身中心任職健身教練,但發現自己不擅長「Sell人」,連中心經理也發覺他不適合這份工作。在機緣巧合下,中心經理推薦了Arnold去物理治療診所教人做運動,「個物理治療師好好,會教我一啲治療嘅技巧同埋簡單嘅檢查方法,做落覺得有興趣,於是報讀香港理工大學的物理治療」。

秦梓瑋(Arnold)分享由健身教練轉行物理治療師的原因。

受傷才需接受物理治療? 骨傷科只佔一小部分
相比教運動,Arnold指物理治療更能了解服務對象的病症,找出問題根源,幫助他們加快康復過程。最常聽到要接受物理治療都是受傷後,但原來這類人只佔一小部分,「物理治療其實都分好多科,骨傷科、兒科、老人科、心胸肺科、腦神經科等,好多都唔一定係因為受傷而接受物理治療」。每科工作內容各有不同,現時Arnold主要負責骨傷科,會接觸到各類痛症,還有老人科,幫NGO做社區長者家居服務,例如上門做評估家居環境、長者活動能力評估,以及幫他們設計運動,保持活動能力。

延伸閱讀:【NGO百科】什麼是呼吸治療?原來治療師有分好多種! 起薪更可達$3萬

長者受軟不受硬 Arnold自有一套相處方法

許多人都會對長者加上無記性、固執、長氣等標籤,但Arnold表示自有跟長者相處的一套方法。他認為長者受軟不受硬,曾經遇過一名很懶惰的長者,半分鐘的運動只堅持10秒就自稱做完,即使講出缺乏運動後果來嚇唬他也不見成效,後來Arnold花時間了解長者的喜好,知道他喜歡吃東西,成功叫長者邊數食物邊做運動。不死板,嘗試變通迎合長者就是他的成功之道。

與長者相處,除了要耐心應對,有時對話亦可以變得相當搞笑,有一次Arnold到老人院服務,一名疑有精神錯亂的長者,突然指住Arnold後方大叫「火燭呀!好走啦你!」、「唔使理我,走啦!」,一般人也許不知如何應對,但當時Arnold卻能冷靜回覆長者「一齊燒,唔驚」。

爸爸一句說話 是工作最大滿足感
提到工作最大的滿足感,其中之一當然是見證病人的康復過程有進步,但得到身邊人的認同,對Arnold來說亦是一大鼓舞。「記得我爸爸在生嘅時候,佢話佢好Proud of我做呢份工,可以幫到老人家。我仲講笑噉同佢講,『老豆,我有收錢㗎嘛』。而家諗返轉頭,做仔嘅,能夠做到令父母自豪嘅事,都係一種成功感」。

Arnold:「做仔嘅,能夠做到令父母自豪嘅事,都係一種成功感。」


NGO工時穩定 兼職更能專注「做Case」
Arnold重視工作,同時亦不想因而忽略家庭。他回想到5年前,「當時仔仔即將出世,全職喺私人診所工作通常要8點先收工。因為想放多啲時間陪仔仔,所以就揾咗一份喺NGO做嘅工作,5點收工,可以見仔仔多啲」。他亦分享到在NGO兼職的好處,就是比全職較少需要處理文件,可以專注「做Case」。

當時私人診所的老闆也有問他想轉做Part-time還是Freelancer,如果轉做Part-time,診所就會按比例提供假期、福利等;而Freelancer就沒任何福利。最終Arnold選擇Freelance形式,好處是「有症做就返,冇就唔洗返,時間會彈性好多」。可是,Freelance形式亦有其壞處,包括放假等於零收入,公司也不會代供強積金,剛好遇上現時的社會環境,收入亦有一定影響,「誇張啲講,Freelance形式係『手停口停』」。

延伸閱讀:【NGO百科】人工未必高點解仲有咁多人投身NGO! 原來有呢10大吸引力

物理治療師的晉升階梯及薪酬

根據物理治療師管理委員會提供的數字,全港有超過3,500名註冊物理治療師。參考2020年2月通過之公務員薪酬調整方案,一般入職先由二級物理治療師做起,最高可升至物理治療總主任:
二級物理治療師(Physiotherapist II),月入約為$30,235至$48,860;
一級物理治療師(Physiotherapist I),月入約為$51,095至$74,515;
高級物理治療師(Senior Physiotherapist),月入約為$74,515至$89,845;
物理治療總主任(Superintendent Physiotherapist),月入最高可達$110,170。

>> 即睇物理治療師空缺
>> 更多NGO Part-time & Freelance職位空缺

Look out for further updates on our Facebook fan page!

Related Articles

  • 【疫市求Job】3大最Hit文職工 資料輸入員月薪$15,000!

    新冠肺炎疫情下,令本港經濟衰退,許多人都想有一份工作。市場上仍然有些入門級工作正在招聘,適合經驗較少的打工仔獲取工作經驗。如果你有興趣,可以看看以下的兼職或全職空缺。

  • 【政府工略】1823請夜班客戶服務主任 時薪最高$103

    最近新冠肺炎的確診個案上升,書展、香港運動消閒博覽、教育及職業博覽和創業日都延期舉行,令不少兼職員工頓時失去就業機會。假如你正找份兼職工作,不如考慮下效率促進辦公室為1823招聘的夜班客戶服務主任。

  • 【兼職推介】精選辦公室支援職位 時薪可達$70

    新冠肺炎肆虐,重創本港經濟,不少打工仔被逼停工、減薪,甚至失業。經濟不景氣,全職空缺減少,打工仔如想增加收入,又對辦公室支援的工作有興趣,不妨考慮以下兼職空缺:

  • 【職業無分貴賤】Lunch兼職送外賣遇到熟人 網友︰被人睇小…

    正所謂職業無分貴賤,各行各業都應該得到平等對待及受人尊重。近日有網民於Facebook群組「奴工處」投稿指,兼職做外賣速遞員時被舊同學發現,慘遭白眼,不解為何舊同學要「狗眼看人低」。

  • 【理財有道】想提早35歲退休? 從今培養4個好習慣!

    雖說「辛苦揾嚟旨在使」,但是大部分打工仔朝九晚六,不時加班,甚至連星期六、日都要上班,即使有錢也可能沒有時間花。想提早賺取一定金額......

  • 【政府工略】政府請訪問員 時薪$111 點先報得?

    中學畢業,居然可以找到一份時薪過百元的工?無錯!今次推介給大家的工作是政府為勞工統計調查組招聘的時薪訪問員,入職條件簡單,而且時薪有$111,想申請的話,就記得在7月15日之前遞交表格了!

  • 【絕世奇工】馬桶測試員 3個月賺近8萬 職責係WFH去廁所?

    【經濟日報專訊】可以邊玩邊賺錢,順帶享受人生的絕世筍工就見得多,近日更有智能坐廁公司Tushy招聘「排糞大師」作其糞便事務副總裁。

  • 【全職兼職】零售業繼續請人!Part Time店務員時薪$60

    想找份兼職工幫補家計,又不知道哪間公司有職位空缺?不如看看以下3個Part Time職位,是否符合你心水。

  • 企業疫下重定HR策略 Adecco度身訂造人才方案

    新冠肺炎(COVID-19)疫情持續,對人力市場帶來重大影響,人力資源管理面臨很大的不確定性,企業如何有效管理人力與決策,並制定合適的持續營運因應計畫,應是目前營運管理重點。

  • 【政府工略】政府時薪$64.2請兼職 入職條件係小六畢業?

    政府物流服務署全年招聘兼職印刷工人,沒有太高的學歷要求,而且時薪有$64.2,有興趣找份Part Time的打工仔,不妨考慮一下。