【職場文化】公司成日要求做粗重嘢 男事主:想反面唔做⋯⋯

【職場文化】公司成日要求做粗重嘢 男事主:想反面唔做⋯⋯

上一代勞碌工作風氣盛行,打工仔相信只要任勞任怨、肯搏肯捱定會有出頭天。只要老闆金口一開,任何職責範圍以外的工作都願意赴湯蹈火。隨著時代變遷、職場文化變化萬千,在公司肯搏都未必有出頭天,新生代的打工仔只會「堅守崗位」,不再奉旨替老闆「執頭執尾」。最近就有網民於香港討論區發文,指自己本身擔任文職卻不時被老闆要求負責粗重工作,忍無可忍下終向老闆攤牌。事態究竟會如何發展?

即睇事主經歷:

樓主:交代下背景先:男性,純文職,Editor。入職公司1年半,簽咗死約要做到下年年尾。

樓主:但最近老闆叫我做好多粗重嘢⋯⋯

樓主:無請清潔姐姐,每個同事個位嘅垃圾桶都會載食完嘅外賣盒、鼻涕紙巾,滿咗就掉晒入門口嘅大紙箱。老闆每隔兩日就叫我收工前拉去隔離垃圾房。

樓主:跟住次次隔兩三日左右就搵我搬箱8-10Kg嘅嘢⋯⋯

樓主:Whatsapp同咗老闆講唔會再做粗重嘢,清潔呢啲嘢留返畀其他人做!

樓主:老闆覆我話我係最低級:「叫你做就做。公司大部分同事都係女性,得我一個男仔,唔通叫啲女仔做咩?」

樓主:重嘢又我做、掃個地又叫我做。有無搞錯?

樓主:我想拒絕唔做呢啲嘢,但又驚佢炒我之餘仲叫我賠錢⋯⋯

樓主:可唔可以當面拒絕唔起身算數?如果拎醫生紙話整親佢一樣知我係玩嘢。

樓主:而家諗起佢聽日或後日又叫我做呢啲嘢就嬲到爆!

即睇網民回覆:

網民:攞份約上勞工處問吓,叫佢畀啲意見你參考。

網民:你咁樣同老闆講嘢,結果一定會咁⋯⋯香港公司無乜保障,之前舊公司因為清潔姐姐走咗又未請到人,都有叫個職員洗廁所。

網民:你有通知期嘅話一個月通知咪走得!合約係請你做Editor,工作範圍外嘅工作你絕對可以拒絕。如果佢因為咁炒你,你可以去搵勞工處。

網民:你都無搵定後路就同老闆開火,咁只會做炮灰㗎啫⋯⋯

網民:你唔反抗就只會畀人踩到上心口,得閒就去刨下僱傭條例啦!

網民:下次佢再叫你搬嘢時扮整親條腰,兇佢話要報工傷,睇下佢仲夠唔夠膽玩你囉。

網民:如果經常要你咁做你可以Say No;同樣佢都可以炒你,但佢要賠一個月糧。

網民:真係整親條腰嘅話,可以攞醫生紙Claim佢工傷,請返三幾個月病假等佢得不償失!

網民:你咁同老闆講嘢太衝動喇,完全無增益。不過你同老闆都扯爛咗塊面就講咩都無用啦⋯⋯

網民:最低級就要做埋清潔,咁清潔份人工有無計入你度?依家唔係暫時性,係你老闆孤寒唔請清潔!

僱員可否拒絕職責範圍以外的工作?
根據《僱傭條例》,如僱主單方面更改僱傭合約主要條款(指使僱員負責職責範圍以外的工作),僱員可以「不合理的更改僱傭合約條款」為由向僱主申索補償。僱主不能單方面更改合約條款,除非僱主擁有條例規定的「正當理由」,否則更改僱傭合約條款就有可能等於變相解僱。雙方同意改動才不會有違僱傭合約之嫌疑,假設某職員受僱時履行的職務是行政管理,但公司受疫情影響希望員工同時幫忙接聽電話以及清潔,超出合約上的工作範圍,那就有商確餘地。

衰老闆手段百出,即刻睇睇有咩方法應對。

延伸閱讀:【平等機會】女同事患抑鬱症成日喊 被老闆要求主動辭職?

延伸閱讀:【辭職學問】老闆迫員工主動辭職10大常用手段 分分鐘無賠償?

延伸閱讀:【卡塔爾世界盃】老闆要大家畀$500估世界盃邊個係冠軍 有冇犯法?

延伸閱讀:【職場趣聞】老闆唔畀員工討論人工 事主:點解可以咁?


最新專訪片︰
【Office豪華旅行團】物業顧問公司辦公室似私人會所 有韆鞦櫈、免費生果!


《愛.回家》英進招浩明專訪 棄高薪銀行工勢入娛圈 屢敗屢戰依然決心追夢

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!

Related Articles

  • 【聖誕Party】HR告知未過試用期無得抽禮物 樓主:使唔使咁直接?

  • 【聖誕Party】同事包禮物包到垃圾咁 事主:睇見都唔開胃⋯⋯

  • 【躺平文化】躺平才是人生贏利組?事主:反正買唔到樓,有錢去旅行好過

  • 【面試貼士】點樣接受面試失敗?打工仔:灰到世界末日

  • 【職場文化】千祈唔好對公司付出真感情?網民:建議真係當試工

  • 【職場辛酸史】人到中年對工作失去動力 事主:返工唔知為乜⋯⋯

  • 【職場八卦】老闆抱怨下屬人工過高 事主:「見工嗰陣逼你應承㗎?」

  • 【離職制肘】離職要「一個月通知期」是否合理? 樓主:難怪依家啲人離咗職先搵新工⋯⋯

  • 【職場辛酸】久經職場難有真正朋友?樓主:朋友嘅價值只係互相利用⋯⋯

  • 【職場升職】上司借升職機會為由要你賣命?網民:明顯係一個騙局

Jobs You Maybe Interested In

刊登招聘廣告
;
Follow CTgoodjobs for the latest career news, hot topics and recommended jobs!
Maybe Later Follow