Next
【職場熱話】同事屋企人不幸過身 刻薄上司呼籲大家唔好做帛金！
【職場熱話】同事屋企人不幸過身 刻薄上司呼籲大家唔好做帛金！
2022-05-25
人生無常，經歷親人離世的打擊總是令人心傷，沒有人會想家人生病、入醫院、經歷種種痛苦。不過，並不是每個人都能體會和體諒這種心情，好的上司會讓你放假，以家人為先，畢竟大家努力工作都是為家人提供更好的生活，一切都應家人行先；但涼薄的上司可能會說盡小器話，更提出過份的要求！
延伸閱讀：【職場熱話】有咩工作性別單一化好嚴重？網民：廚師、美容、幼稚園老師？
有網民在社交平台專頁「奴工處」上以「同事屋企人過身，女AM：大家唔好做帛金」為題投稿，分享道：「個女AM（Asistant Manager）真係好刻薄+涼薄，話說之前同事A屋企人有事入咗醫院，都幾大件事，做咗2次手術；過咗一排同事B屋企人又入咗醫院，同事B嘅屋企人一晚就出咗院，再過2日同事C個女女病咗，想同囡囡去睇醫生，點知咁啱嗰日AM個女生日，要放半日，而C係要backup AM，AM竟然叫C唔好放。
之後仲同其他同事話佢哋3個係夾埋。我心諗佢都白痴，病同入院嘅事點夾埋呀？後來同事A屋企人不幸過身，AM竟然叫人唔好做帛金畀同事A，仲話：『佢啲咁嘅人，你做咗佢都唔會多謝你！』天呀，點解可以有啲咁嘅人？」
很多網民都與事主一樣，對上司的行為看不過眼，驚訝會有如此小心眼、不懂體諒、刻薄、毫無同理心的人！
即睇網民回應：（按圖了解）
網民：「我淨係知，我公司知道同事屋企人過身，就笑佢永遠都得返自己一個冇人要，然後杯葛佢，最尾個同事辭職。」
網民：「對住呢啲女AM，只可以一句說話：『他朝君體也相同。』」
網民：「大家有共同敵人，同事之間相處咪融洽啲。」
網民：「識晒佢啲朋友，有朝一日佢或屋企人過身，同佢朋友講返個故事。」
網民：「做多份畀你囉，阿AM。」
網民：「認真，個AM點樣玩針對都好，白事係冇得講笑，件事假設傳到上老細/大m度，而又真係証實到係真嘅話，呢條所謂嘅AM都好大鑊。假設單嘢上埋媒體嘅話，呢位AM基本上以後都唔駛立足。」
網民：「其實有啲人係真係唔識呢啲人情世故，我遇見過一個直頭連工作都唔想同佢講，因為個人實在太白痴，仲要係做我嘅上司……」
網民：「黑心同人情世故係兩樣嘢！」
網民：「呢個女AM講得啱呀，邊個收到帛金會講多謝？只會講『有心』；可能佢有機會收帛金時會講『多謝』啦。」
網民：「收帛金梗係唔會講多謝啦，講有心嘛。個AM係咪孤兒/獨家村？咁大個人都冇呢啲常識嘅？」
網民：「他朝君體也相同，嗰陣咪等老細會唔會體諒佢囉！」
網民：「文職先咁得閒玩呢的心理戰，其它倉務工場都冇呢啲。」
他朝君體也相同
網民齊贈該上司七字真言：「他朝君體也相同。」人總會有機會遇到親人離世的事情，現在如此黑心，他日一定會有報應。網民都認為：「認真，個AM點樣玩針對都好，白事係冇得講笑，件事假設傳到上老細/大m度，而又真係証實到係真嘅話，呢條所謂嘅AM都好大鑊。假設單嘢上埋媒體嘅話，呢位AM基本上以後都唔駛立足。」
亦有網民分享其他相類似的經歷：「我公司知道同事屋企人過身，就笑佢永遠都得返自己一個冇人要，然後杯葛佢，最尾個同事辭職。」讀到如此事例，真的對這些不懂體諒、毫無尊重的人很失望，如果與這些人共事，其實都不是好事，辭職似乎是不錯的選擇。
延伸閱讀：【職場熱話】有咩工作性別單一化好嚴重？網民：廚師、美容、幼稚園老師？
延伸閱讀：【職場熱話】男同事又約食飯又約睇戲 冇feel可以點拒絕好？
Look out for further updates on our Facebook fan page!
Follow CTgoodjobs for the latest career news, hot topics and recommended jobs!