Next
【職場熱話】見工因為要OO被老闆教訓 事主：畀佢話足5分鐘
【職場熱話】見工因為要OO被老闆教訓 事主：畀佢話足5分鐘
2022-05-05
求職者在見工面試的時候，總是想自己在整個過程，直至面試結束為止，都能夠好好表現，做到「好頭好尾」，不過世事豈能盡如人意？在網上討論區Dcard，有台灣求職者分享自己的經歷，指自己在面試之後，反被老闆教訓：「畀佢話足5分鐘」
點圖了解更多事主經歷：
延伸閱讀：【職場心理】「唔好意思」唔好掛口邊？ 職場正確的道歉方法？ 3大心法要記低
延伸閱讀：【職場英語】點樣用英語約開會？ 時地人一次過教學 用SAY字都可以
事主分享：
「其實我本身無咩金錢壓力，只係想搵返份無咁辛苦嘅工。咁啱有一日喺社交網站見到屋企附近有間非連鎖式經營嘅書店請人，於是就聯絡嗰邊安排面試，但個過程好有趣，同大家分享，畀大家笑吓。
嗰日面試我早咗5分鐘到，Reception嗰位小姐請我填基本資料，問咗我幾個關於編更同以前工作嘅問題，之後我就入去房同老闆面試。老闆睇完我嘅工作經歷，就話覺得我返呢份工應該無咩問題，仲問我同人溝通有無問題，我就答咗無，佢就介紹人工同其他詳細嘅嘢，無乜特別，然後佢就問我， 「幾時可以返工？」我就答佢，「請問我可唔可以返屋企諗諗先？」
佢笑住答我，「可以啊，但我要另外畀啲建議你。其實說話嘅藝術好重要，今日係你搵工，想考慮唔係唔可以，但要婉轉啲，唔可以畀個老闆覺得你哋係平起平坐，至少要有我比你高一班嘅感覺，你可以話你要同屋企人商量吓先，三日內會覆返老闆你咁先啱」我就咁呆咗喺度畀佢話咗5分鐘，途中佢仲要一直舉例，話我同佢個仔年紀差唔多，所以乘機教育吓我，話佢都係咁樣教仔喎。
聽完佢咁講完之後，我返屋企諗都唔諗呢份工，因為我真係好唔鍾意老闆有高高在上嘅感覺，雖然本來就要尊敬老闆，但人對人嘅尊敬，係來自於本身個人嘅氣質同言行舉止囉，唔係話因為你開鋪請人，就要一個三唔識七嘅人同你低聲下氣囉，後來我就無將呢件事放喺心。
直到有一日朝早，佢突然用訊息問我，「所以係咪要去我間舖返工」，我就直頭不讀不回佢，心諗我同你諗法差咁遠，好似唔需要多講啲咩。第一次見工遇到啲咁嘅老闆，開間書店就得三至五個職員，面試仲要高高在上，教育啲唔係自己員工嘅人，真係好奇怪。」
網民回應：
A/面試係咁，仲要係呢啲細書局，如果入咗去做一定成日畀人指指點點
B/你可以同佢講，話人工太低，要諗諗先，其實唔理咩面試，你都要表現到好想入間公司咁，但唔可以即刻去，話你有事要處理咁，等你有時間可以返屋企考慮，咁先係一個成功嘅面試。只可以話你太Fresh啦，先會有位畀啲咁嘅老闆入
C/你呢個回覆其實無問題，但說者無心，聽者有意，講得唔夠好聽，介意嘅人就會雞蛋裡挑骨頭，當上咗一課啦
D/難怪你會話無乜金錢壓力，當你真係好需要一份工嘅時候，就唔係咁樣啦，希望你永遠都唔好再遇到呢啲事，祝你好運
E/嗰個老闆都幾玻璃心
F/同人講「說話的藝術」其實佢自己都唔太識講嘢，根本就係情緒勒索
G/其實佢講嘅嘢都有啲道理，見工總會遇到呢啲情況，下次扮晒嘢回應佢就好。不過我覺得你應該要覆返佢，你最後去唔去返工會好啲
婉拒工作邀請 謹記三大重點
雖然事主遇上的老闆有點奇怪，但是作為一個求職者應該要保持積極及良好的態度，才能夠真正做到「好頭好尾」。台灣履歷表製作工具CakeResume早前發表相關文章提及，決定婉拒工作，回信的時候，要記住的三大重點：一，感謝公司的欣賞以及花費的時間、心力；二，正試拒絕工作offer；三，再次致謝以及保持聯絡。正所謂「凡事留一線，他日好相見」面試過程中遇上的人，都可能會對你的職場生涯造成影響，所以還是好好處理所有面試，以及工作邀請會比較好。
在面試的期間，HR可能會詢問我們有關未來計劃的事情，應該要如何回答？（點圖了解更多）
Look out for further updates on our Facebook fan page!
Follow CTgoodjobs for the latest career news, hot topics and recommended jobs!