Next
【職場糾紛】老闆做咗啲咩會令你想即刻辭職？ 網民：淨係OO已經夠攞命！
【職場糾紛】老闆做咗啲咩會令你想即刻辭職？ 網民：淨係OO已經夠攞命！
2023-03-20
在現代企業中，提高員工的工作滿意度和留住優秀人才都是企業管理需要留意的一環，但一些老闆的過火行為可能會直接導致員工的離職，這種情況不僅會令企業的人才流失，亦會對僱員的職涯造成負面影響。有網民於連登討論區發文討論，細數職場中老闆的討厭行為，直指「呢啲老闆唔要都罷」⋯⋯
即睇事主分享：（按圖了解）
事主：老闆做咗啲咩會令你想即刻辭職？
事主：應承咗加人工／升職／調你去你想去嘅部門，之後反口話你最近表現差，決定暫時唔加住⋯⋯
事主：又或者改咗個模式，但出到嚟效率低咗，又會話返你哋員工表現差咗。
事主：仲有員工平時做錯少少嘢，自己搞返掂就得。但老闆就因為呢啲嘢就鬧到你無地自容，或者根本係佢做錯嘢，燥底嗰個反而係佢。
事主：同埋員工請半日都要問長問短、問你做咩，驚死你去Interview搵工跳槽咁⋯⋯
即睇網民回覆：（按圖了解）
網民：無Appreciation，呢啲老闆唔要都罷。呢個世界人夾人，唔好諗住你一定可以討好個老闆。
網民：逼你做一堆唔係自己職責範圍內嘅嘢。
網民：以為返過一排出版社，個上司好威咁同我講話呢行啲60幾歲老行尊穩穩陣陣每個月都搵到 $2萬，結果就因為呢句說話下定決心辭職走去讀專科。
網民：達到升職要求、上司仲話你表現好好⋯⋯不過公司業績唔好，又炒人Bla bla bla⋯⋯
網民：過一年唔加人工／加少過 10%⋯⋯
網民：請一日假都要畀說話你聽，好似要同佢乞咁！
網民：跟過個上司乜都唔識，有乜就隊你出嚟，做嘢仲要教返佢轉頭，繼續跟住佢注定無運行，最後都即走！
網民：成日叫人做嘢行多步，一到自己就縮，同叫人送死有咩分別？
網民：準時收工話我早走、叫我做啲唔係我職級嘅嘢，我搞唔掂都唔理我。成日話有咩就出聲叫佢幫手，到真係有嘢就無咗回事⋯⋯
網民：試過跟老闆方法做就話你死板無創意；唔跟佢嗰套就話你懶醒目自把自為。
不少網民亦連隨道出其他老闆一秒惹火員工的行為，例如吩咐員工跟進職責範圍以外的工作、無故指摘等都對員工欠缺尊重，而最令人髮指的則是初時答允升職加薪，最後卻利用各種理由推搪「反口」，網民均認為遇到這種情況，為面子「立即辭職」才能消氣。
在職場中，與上司同事打好關係何其重要，即睇3個與上司同事和平相處的方法：
即刻按圖了解更多職場老闆趣聞！
延伸閱讀︰【職場八卦】同事成日幫人改花名 連老闆都難逃魔掌？
延伸閱讀︰【撤銷口罩令】老闆要求繼續戴口罩返工 事主：同未撤銷口罩令有咩分別？
延伸閱讀︰【職場熱話】Fresh Grad喺老闆生日送上「大禮」 網民：真係識玩！
延伸閱讀︰【職場熱話】公司似邪教？ 返工必須頌讚老闆 沉默就會OOO
最新專訪片︰
【星級斜槓族】Win Win楊安妮無悔拒入COLLAR 感恩可平衡藝人及跳舞老師兩個身分 報名《造星IV》時竟向193示愛？！
Look out for further updates on our Facebook fan page!
Follow CTgoodjobs for the latest career news, hot topics and recommended jobs!