Next
【職場辛酸】日日Lunch同老闆食貴嘢 事主：就嚟窮死！
【職場辛酸】日日Lunch同老闆食貴嘢 事主：就嚟窮死！
2022-12-16
要在職場中建立良好的人際關係，與同事共進午餐其實是個不錯的方法，但萬一因午餐使費陷入經濟上的尷尬處境，又該如何是好？最近，有網民在香港討論區發文，指自己每天都會與上司同事一起外出用膳，惟上司每次選擇的餐廳都價格不菲，長期的高昂膳食費令事主大感無奈。
即睇樓主經歷：
樓主：公司最近嚟咗個新阿姐，咁Lunch就通常成班同事跟佢一齊出去食飯。
樓主：通常睇阿姐想去邊到食，我哋就跟住去。但食咗差不多成個月，我發現佢好鍾意去食貴嘢，餐餐最平都$100起跳。
樓主：份糧又無佢咁高，仲要同佢一樣食咁貴。雖然喺中環區返工啫，但都有啲平少少嘅選擇掛？
樓主：有日阿姐仲問我︰「會唔會覺得同我食飯好貴？」
樓主：佢究竟想我點答佢？我真係好想講︰「好貴呀！」
樓主：但最後我都係違背咗自己嘅良心︰「唔貴，一啲都唔貴呀⋯⋯」
即睇網民回覆：
網民：呢啲嘢一定要直接同佢講。
網民：小小食飯事件就見到樓主份人虛僞、對自己唔老實。你阿姐就係想知你真唔真，係咪真心溝通嘅人，以後唔會有重任交託畀你。
網民：下次帶飯返公司，話儲首期，一舉三得。
網民：終於明白點解香港咁多窮人。
網民：或者佢想聽你話貴，以後一齊食平啲呢！我以前一星期得星期五會食好少少，日日食咁好就無咗特別開心嘅感覺啦！嗰時成班同事都會好珍惜星期五。
網民：佢應該係想問你點解要呃佢、扮闊佬？
網民：直接同佢講話貴囉！佢等你開口，等佢可以有下台階食平嘢。
網民：你同我同事有啲似。我公司細，得3幾個人。個男同事有時幫老闆買外賣會唔記得問佢拎錢，老闆又唔會主動畀返佢，所以佢有時會貼老闆飯錢。其實自己先得2萬中人工，仲要養家，我睇到都覺得幾好笑。
網民：明白你難處，不過都要搵藉口避一避。話唔得閒有嘢做食少幾餐，搞唔掂啦，畀人打劫咁。
網民：其實你阿姐日日食$100up都頂唔順，不過為面子先問你貴唔貴，點知你咁唔識做。
如何拿捏上司與下屬之間的溝通？
鑒於日常工作量龐大，上司與下屬之間的溝通或只限於工作層面。上司下屬雙方加深了解，在職場上便會更加合拍，減少不必要的誤會。
（按圖即睇3種實用溝通技巧）
—展現願意聆聽的態度
面對上司說教時避免露出煩厭的情緒，應該用心傾聽，學習其可取之處，鑄就自己成長。嘗試積極傾聽，與其一味生氣，不如冷靜下來聆聽對方說話內容，或能有所啟發。
—感謝對方提點
無論上司的提點對你是否有幫助，禮貌上也要感謝上司的提點。萬一上司說教的方式及言語超過了下屬的接受程度，其時勇於站出來表達，反映自己的情緒亦可。
—在辦公室外定期聚會
除了下屬對上司的忍讓，上司也應體諒下屬的付出。邀請同事在工作時間內在公司以外的地方進行聚餐。讓大家暫時放下工作，避免干擾，在輕鬆的氣氛下讓團隊成員暢所欲言，發洩心中鬱結。
老闆同下屬之間缺乏溝通應該如何拆解？立即按圖了解。
延伸閱讀：【人才管理】遙距工作令團隊關係疏離？4個方法與下屬保持緊密溝通
延伸閱讀：【職場貼士】想在職場中獲重用升職？打工仔要做到老闆最關注的4件事
延伸閱讀：【職場貼士】上司無落Order 照屈下屬跟漏 事主：應該點做？
延伸閱讀：【職場人際】上司係「道理王」 日日捉住下屬說教 用5招應付嘮叨老闆
Look out for further updates on our Facebook fan page!
Follow CTgoodjobs for the latest career news, hot topics and recommended jobs!