Next
【見工奇遇記】老闆壓價三千籲不應計較金錢 事主：返工唔講錢講乜？
【見工奇遇記】老闆壓價三千籲不應計較金錢 事主：返工唔講錢講乜？
2022-01-27
「講得出『我好鍾意返工』嘅人一定係鬼上身」是黃子華一句膾炙人口的金句。香港工作時間長，即使加班文化並不如日本般嚴重，但絕大部分打工仔並不喜歡每日朝九晚六再加班般工作。既然不喜歡工作，為甚麼大部分人繼續乖乖地往返辦公室呢？答案顯然而見，當然是為了維持生計，再簡單一點，即是為了錢。最近，有名打工仔在社交媒體專頁「奴工處」發文，分享其一次奇怪的見工經歷，該公司竟然要求打工不應計較金錢！
延伸閱讀：【見工奇遇記】數人同場面試但唔係見同一個位 事主：老闆遲兩個鐘做場鬧劇
即睇事主分享及網民回應：（按圖了解）
事主：有次我見工Second In，老細即場畀offer我，但人工壓咗我三千蚊。
事主：老細仲同我講唔好計較錢……其實唔好計較的話，你就唔好壓我價啦！
網民：即刻起身閃人啦！
網民：呢句說話同講「我最X憎人講粗口」有異曲同工之妙！
網民：自己計較叫人唔好計較，我老細又係咁，正衰人！
網民：打工嘅嘢，唔講金可以講乜？
網民：畀唔起錢又叫人second in？快啲轉身走啦。
網民：叫佢搵第二個做！
網民：不如你同老闆反擊，叫佢唔好咁計較錢啦。
網民：老細可能話上次壓五千嗰個人都肯呀，見你咁有誠意先壓三千咋！
網民：你可以試下還價，壓價係常事，唔好對方一壓就嬲。
網民：試試輕鬆啲同佢講，老細，我唔係計較錢，計較我就唔係開呢個價，呢個我已經覺得underpaid。
網民：之前我有個老細話返工唔好計錢，要講使命感。我諗唔到幫佢賺錢有啲乜嘢使命感，亦知道幫佢賺嘅一分一毫唔會有任何會畀貧苦大眾，再加上嗰位老細嘅人品，我辭咗職。
壓價少藉口 網民：打工仔有權還價
眾多網民認為該老闆要求十分無稽，因為普遍人打工都是為了工資。不少意見指出「不應計較錢」的要求本來已經自相矛盾，更認為僱主不計較金錢的話，就不會拘泥於數千元工資。
有網民表示，這些藉口「擺明係希望博取一啲無經驗嘅新仔接受（較差）待遇」，減少薪酬開支，「（僱主）每年又可以畀少幾皮嘢（數萬元）」，最終也是計較金錢。
不少留言指出，香港從來不缺工作機會，，打工仔有權討價還價，大不了只是放棄受聘，就當是尋找更佳待遇。一些人感嘆，香港社會風氣導致職場文化差劣，認為絕大部分僱主壓價的藉口，只是冠冕堂皇的包裝。
眾多企業在招聘廣告不願意標明薪金，HR拆解兩大原因！薪資待遇透明化是新趨勢？（按圖了解）
延伸閱讀：【勞動市場】2022年僱員為職場主導者 公司靠甚麼留住人才？
延伸閱讀：【職場熱話】普通文員要做會計？打工仔不忿被炒 招聘應說清工作性質
Look out for further updates on our Facebook fan page!
Follow CTgoodjobs for the latest career news, hot topics and recommended jobs!