Next
【見工面試】HR要求職者必須出示DSE成績 嘲笑：醜婦終須見家翁！
【見工面試】HR要求職者必須出示DSE成績 嘲笑：醜婦終須見家翁！
2022-10-07
前往見工面試時，普遍求職者都會攜帶與自己相關的文件及影印本，以備不時之需，如畢業證書及公開試的成績單等等。普遍HR要求職者出示最高學歷都是為了完成招聘程序，避免有作假的事情發生。
在Facebook專頁「奴工處」有打工仔分享自己見工的經歷，指自己早就展示最高學歷予HR查閱，豈料對方指出示DSE成績是必須，更嘲笑事主「醜婦終須見家翁！」
點圖了解更多事主分享：
延伸閱讀：【職場貼士】待業期間無所事事？5個規劃有效降低求職焦慮
延伸閱讀：【職場貼士】5個開會不再浪費時間的方法
「以前考DSE衰咗，之後有讀返個更高嘅學歷證書。讀完書之後去見工，就拎返我最高學歷嚟畀個HR睇，點知個HR無論如何都要我拎返個DSE成績出嚟畀佢睇，仲笑笑口話醜婦終須見家翁，唔可以咁樣收埋自己DSE嘅成績，個HR係唔係考DSE考出優越感，所以先啄住人哋嘅DSE成績唔放？」
網民回應：
A/佢係講嘢衰，但正常程序係For reference啫，你自己覺得Hard feeling咪唔好去呢間公司囉……利申我會考得3分，有毅進證書，外面物流專科證書，同十幾年行業經驗，每次In我都照畀人睇，我就係得3分，覺得我學歷重要過經驗咪唔好請我囉
B/雖然我DSE成績見得人，但呢啲公司好黐線，請我都唔會做
C/即係咁，我自己最高學歷都係大專，其實好老實，我覺得我嘅會考成績（Sorry我好老）係有代表性，因為大專成績表唔會寫我中英數係點，而我嘅英文拎F真係好差，唔睇會考成績係睇唔到。當然，呢啲係講緊頭幾年做嘢，經驗越來越多，考試時間過得越耐，就真係越來越唔重要。
D/我本身無讀過中五，但有等同會考5科合格嘅學歷，有次已經係出嚟做嘢十幾年去見份工，履歷都寫明無中四中五學歷，去到面試個老細嘈我點解當年咁衝動唔升中四，點解要自己決定唔同屋企人商量乜乜，我差啲鬧出聲
E/唔係啊嘛⋯⋯我出嚟做嘢咁耐，除咗畢業後嘅兩份工有問，之後都無人問我公開試成績
F/我諗好多公司需要DSE record，唔係因為佢真係需要根據你公開考試嘅成績而決定是否取錄你，人哋單純只係想知道一個人嘅學歷背景，或者單純留一個記錄，其實如果搵工嘅人有更高嘅學歷或者實戰經驗，根本唔需要太擔心自己過去嘅成績太低。
G/你咪拎埋幼稚園功課畀佢睇埋
H/合則黎不合則散，佢有要求，你都可以有原則
嘗試理解HR立場
對於事主的情況，有網民認為雖然HR的態度並非禮貌，但他的要求是符合正常程序，更指若然事主不滿對方的要求，可以選擇不繼續面試。另外，有網民表示，明白很多公司都需要查閱DSE成績作紀錄，若然事主擁有更高的學歷或豐富的工作經驗，就不需要過份擔心成績會影響自己去留。作為求職者，應該抱着一個客觀心態面對HR行動，嘗試理解對方提出要求的原因，不需要過於偏激。
見工最後應該說甚麼？（點圖了解更多）
即睇5大求職者扣分行為：
延伸閱讀：【見工面試】想由小薯晉身成管理層 面試可以點樣凸顯管理技能？
延伸閱讀：【職場文化】如何收服下屬的心？後疫情時代「好上司」必備5個特質
Look out for further updates on our Facebook fan page!
Follow CTgoodjobs for the latest career news, hot topics and recommended jobs!