【見工面試】Interview中最難聽嘅說話係咩?事主:佢話我好意思Send CV嚟

【見工面試】Interview中最難聽嘅說話係咩?事主:佢話我好意思Send CV嚟

每位求職者都希望自己能在面試官心中留個好印象,成為該職位最有力的候補,盡力表現自己。可是,遇上不懷好意的面試官,就可能會令求職者留下「面試陰影」。最近在網上討論區Dcard,有台灣打工仔分享自己在工作面試中聽過最難聽的說話:「他說我不知羞,把CV傳過來。」

點圖了解更多事主經歷:

延伸閱讀:【面試攻略】見工被問上一份工離職原因 6大模範答案得HR歡心
延伸閱讀:【職場英語】學會英文客套話 不再被字面誤導

事主分享:

「細佬我前幾年喺間外國公司面試,見一個助理工程師嘅位,當時係嗰間公司嘅HR,透過求職網聯絡我,問我有無興趣見工。嗰陣我心諗未必見得成,但都試吓去見咗先。面試官嘅坐姿令我有啲無言,佢係成個人靠喺張櫈度,只係抬起個頭同我講嘢,感覺到佢嘅氣勢。

之後佢就開口:『你英文咁差,學歷又差,我哋只係收精英,唔收你哋呢種學歷嘅學生。加你筆試份卷都做得唔好,你真係好意思Send CV嚟?』

我就答:『其實係HR聯絡我先,我無投過CV過嚟』

面試官答:『好啦,不過你嚟都好,我就想睇吓啲質素低嘅學生係點,畢竟我哋公司派頭有返咁上下,點都請啲出色嘅學生,結果唔意外,你同我想像中一樣,喺學校成績差、讀嘅學校都咁差,邊有能力做好件事?』然後佢就將我份筆試卷直接丟上枱,問我:『你自己睇吓,你自己寫緊啲咩?」

我就講咗句:『多謝你今日畀機會我面試...』

嗰次面試之後,我去親面試都好似打咗支強心針咁,無嘢好怕。我想知有無人遇過啲講嘢咁唔留情面嘅面試官?Btw我想講份工人工唔係好高。」

網民回應:

A/我試過老闆自己搵我嚟見工,但到面試當日,佢唔知我係邊個,唔知我嚟面試,唔知我嚟見咩位。個老闆將我帶咗去間細房,叫我等吓先,佢Print返我份履歷表出嚟,睇到就話我唔合資格,話我大學未畢業,唔淮嚟呢邊做嘢。睇到我高中畢業,就已經認定咗我唔識某啲程式,完全無視我嘅自我介紹同作品網站。對住呢啲咁嘅人,應該講嘅嘢嚟咩?嗰陣我真係想快啲走,唔想喺嗰度做。

B/呢間咩公司嚟,咁羞辱人都得?可以開名,唔需要人才就唔好搞面試

C/呢啲公司真係唔好去,狗眼看人低,唔係人嚟

D/以為咁寸係人工會有幾高

E/你咁都試過,真係無咩面試難到你

F/好多上司都會話呢啲係壓力面試,但實際上係人身攻擊

G/係我就拎部電話出嚟錄音,叫佢再講多次畀我錄,然後將經歷放喺討論區同人分享,畀嚟你公司面試嘅人參考

突發情況使你變強
遇上這種面試官實屬不幸,總不能向他「報仇」,否則很容易影響自己表現,讓人覺得你情緒很波動。即使發生這種事,也只能實行一字記之曰「忍」。雖然這種面試官會令人感到泄氣,但以積極的角度想,遇上這種面試官可算是一種特別訓練,當你面對正常面試官時,都能夠好好發揮。

面試時遇上不懂回答的問題該怎辦?(點圖了解更多)

 

即睇求職面試要爭取的4大事項:

延伸閱讀:【見工奇遇記】問職業前景卻被面試官黑面?求職者衰講多咗●●兩隻字
延伸閱讀:【見工面試】求職者常遇到的4類測試

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!

Related Articles

  • 【職場趨勢】「躺平」已經過時?內地大學生寧選「慢就業」尋求適合工作!

  • 【職場趨勢】香港畢業生首份工作做唔長?逾5成人欲任職1至2年後轉工!

  • 【見工面試】求職者被HR激嬲 全因佢對畢業證書做一件事?

  • 【職場熱話】驚見公司正招聘自己個職位點算好? 網民:廣告可以係假

  • 【職場熱話】日日睇搵工App究竟正唔正常?網民:我一壓力大就會睇!

  • 【職場熱話】新公司出offer 點知事主飛咗線去公司電話 仲要上司幫手聽咗…

  • 【求職見工】公司最鍾意請無經驗嘅「白紙」?網民:可以畀佢哋壓榨嘛!

  • 【職場熱話】暑假嚟啦!老闆畀員工帶埋小朋友返工 同事:又尖叫又喊 嘈到拆天…

  • 【畢業生】10大最具吸引力僱主!香港Fresh Grad最想加入呢啲公司?

  • 【員工福利】比4天工作制更受歡迎?近7成專業人士樂於在「兩周工作9日」公司上班!

Jobs You Maybe Interested In

刊登招聘廣告
;
Follow CTgoodjobs for the latest career news, hot topics and recommended jobs!
Maybe Later Follow