Next
【NGO熱話】生日想請假 老細竟然唔肯批 網民：有無敵SL 不如諗諗佢？
【NGO熱話】生日想請假 老細竟然唔肯批 網民：有無敵SL 不如諗諗佢？
2022-02-16
生日想放假是人之常情的事，所以很多有規模的公司都有為員工提供生日假、結婚周年假、入職紀念假、甚至是考車假、畢業假之類，令員工感到公司對其的關心。不過，仍有很多細公司未有如此的福利，連員工想在生日請一日AL都未必可以⋯⋯
延伸閲讀：【疫下創業】研製可重用殺菌口罩 洗200次仍有功效！創辦人：殺菌只需1秒！
有網民在社交平台專頁「扮工室Online」上發文分享，指：「生日請AL，老細唔批話大project 前一日，預計會好忙！想問可以唔批大假咩？唔係員工福利嚟咩？」雖然為他感到不忿，不過老闆是否真的有權利不讓員工放假呢？原來想生日請假都如此困難，打工仔真慘⋯⋯
即睇網民回應：（按圖了解）
網民：「你咪話，我屋企人死咗！要放假喎！」
網民：「我喺NGO做，公司規模細，每次放假都要同同事夾好晒唔撞先得，而我生日嘅月份有幾個人一樣，所以生日正日都未必放到⋯⋯」
網民：「唔好咁天真！我早排真係有屋企人要出殯，我個衰上司以『佢已經請咗假』為理由而唔畀我放！最後只係好皇恩浩蕩咁畀我放半日咋！」
網民：「有無敵SL，不如諗諗佢？」
網民：「大假確實係可以唔批！病假就無得唔批！」
網民：「生日前一天，頭暈請病假二天 。」
網民：「可以唔批，假一定要畀你，但請邊日係協商，冇話你請就一定要畀嗰日你。」
網民：「今日公司先講完生日假加多日，仲多咗三日結婚周年假，即時生效！」
網民：「批咗要你cancel都見過，何況唔批你。」
網民：「AL無規定邊日，日子係要雙方恊商。如果紅日僱主想員工返工就唔同講法，一定要員工肯先得。」
網民：「老闆特權，唔係點要你聽話。」
網民：「買張射波紙啦！」
網民：「其實可以請病假， 其實HR應該有你生日日子，其實射波好多時人人都知道。好多人會覺得反正唔係做人世，做佢一兩年就跳槽。不過做耐咗，會睇到有用心嘅人，其實發展係會好好多。」
網民：「一定批嘅話就唔使申請啦！」
老闆有權決定年假日期
勞工處指，年假日期應由僱主在徵詢僱員（或其代表）的意見後指定。僱主須至少在假期開始的14天前以書面通知僱員年假的日期；如雙方同意，可以較短時間通知。
所以，都有網民提醒事主：「可以唔批，假一定要畀你，但請邊日係協商，冇話你請就一定要畀嗰日你。」、「AL無規定邊日，日子係要雙方恊商。如果紅日僱主想員工返工就唔同講法，一定要員工肯先得。」
亦有網民笑指：「一定批嘅話就唔使申請啦！」不過，大家認為如果事主真的很想生日放假，其實大可以到時請病假，「大假確實係可以唔批！病假就無得唔批！」並指，只要有醫生紙證明便好。大家會怎樣決定呢？
延伸閲讀：【疫下創業】研製可重用殺菌口罩 洗200次仍有功效！創辦人：殺菌只需1秒！
延伸閲讀：【疫下新常態】室內設計與VR結合 3D網上商店加強網上營銷
延伸閲讀：【人物專訪】一種香水一個故事 以香味盛載回憶與情感
延伸閲讀：【聖誕節】Speed Dating活動種類多 整蛋糕、郊遊 最受歡迎竟然係…
延伸閲讀：【聖誕節】Speed Dating定用交友App好？ 最多單身職業係工程師、醫生……
Look out for further updates on our Facebook fan page!
Follow CTgoodjobs for the latest career news, hot topics and recommended jobs!