Next
【職場熱話】落雨入室內應該用遮套？網上掀兩派意見
【職場熱話】落雨入室內應該用遮套？網上掀兩派意見
2022-05-13
每逢下雨天，網上都充斥「擔遮要考牌」的怨言帖子。無他的，香港地少人多，一到落雨季節，要是在上班下班的繁忙時段出街，一是被路人的雨傘拮眼，一是拿雨傘的走在有簷聳下，令沒有撐傘的人被迫淋雨。近幾日香港不停下雨，「擔遮要考牌」帖子再次在網上活躍起來，今次有網民在連登討論區以「點解香港人入室內環境 咁唔鍾意用遮套」為題，引起大眾討論。
按圖即睇網民對港人擔遮的怨言︰
打工仔出Post︰「擔遮要考牌呢樣嘢已經講咗好耐！但係點解永遠香港人入商場或者食肆舖頭，明明門口有遮套/遮筒都咁唔鍾意用？！啱啱喺商場門口留意到大多數人入去都唔會理，搞到滴到成個商場地下/啲舖頭濕晒，香港人落雨連基本概念都冇。」
支持用遮套派
網民︰仲有啲人鍾意入商場嘅時候仲揈多幾下把遮，搞到成個地下濕晒。
網民︰其實就算唔用遮套，好多商場而家已經有吸水器，吸幾下係咪真係咁難？
網民︰即係好似啲賣衫舖頭咁，啲人又唔用遮套，但撥衫嚟睇，成把遮啲水整晒落人啲衫度。
網民︰成村人有瓦遮頭都要開遮，講咩用遮套？最緊要方便自己。
網民︰我自己會有自備遮袋，而唔係好似樓主咁講要商場一定派大量遮袋，
甚至迫人哋水漬清零追求完美，人嘅行為始終有唔同，無可能迫所有人行為一致。
不支持用遮套派
網民︰我哋要支持環保
網民︰其實無問題，落雨本身周圍都濕㗎啦，咁做真係浪費好多膠袋。
網民︰商場唔提供用唔到。
網民︰開始多咗場地以環保為名唔畀遮套。
網民︰落雨天想地面水漬清零，我不嬲覺得用遮套係做多咗。
網民︰用遮筒到最後，都係忘記攞返把遮。
網民︰好多人入商場係路過或者入一入幾分鐘，又唔係喺入面留好耐，放一陣又要拎返出嚟，然後又要入第二個商場又要塞入去，然後又要拎返出嚟，好反智。
延伸閱讀︰【職場熱話】打風返工吹爛遮 打工仔遇好心人？網民：睇到好感動
每次落雨，其實都是對香港打工仔的一場考驗，曾經有網民列出5種落雨返工，遇過最令人討厭的行為，當中你遇過幾多個？又有哪些你最討厭？
按圖了解更多︰
延伸閱讀︰【返工血淚史】落雨返工被淋濕 打工仔︰香港人擔遮真係要考牌！
黑雨返工可早走？遲到會被扣人工嗎？
根據勞工處現行的《颱風及暴雨警告下工作守則》，僱主必須先與僱員訂明有關颱風、暴雨警告及超強颱風後的「極端情況」，並建議僱主在惡劣天氣下作出適當的安排。
按圖了解更多︰
Look out for further updates on our Facebook fan page!
Follow CTgoodjobs for the latest career news, hot topics and recommended jobs!