【返工血淚史】新Offer人工加四成但要返觀塘大澳IT男最後點揀？

2021-12-15

搵工除了考慮薪酬福利及前景外，上班地點亦是重要的因素。最近我們收到讀者Kinson（化名）的投稿，表示自己遇上世紀大難題。家住大澳的他應徵了一份位於觀塘海濱附近的工作，他十分滿意對方開出的條件，而且認為公司前景良好，適合他長期發展。奈何由大澳去觀塘每日來回需約4.5小時，冗長的通勤時間使他猶豫應否接受offer。

延伸閱讀：【返工血淚史】返工來回三四個鐘無人生？新入伙皇后山邨出旺角要幾耐？

Kinson的最後決定是？（按圖了解）

+12

+11

Kinson：「我大學畢業就入咗一間大電訊公司做，一做就係4年，同期得返我未走。呢度做嘢好輕鬆，基本上每日三點就無嘢做，hea住等收工。正正因為工作簡單，而且我又無轉過工，人工加得雞碎咁多，追唔上大市。之前一直唔敢跳出舒適圈，直至最近眼見其他同學已經講緊買樓，決心要轉工搵多啲錢。」

「有師兄介紹我去一間IT consulting firm做，公司架構細預咗好chur，不過有前景。雖然我唔係做開呢範，但對方好好肯加40%人工畀我，過咗試用期又畀錢我進修，令我好心動。但唯一令我concern嘅點係……間公司喺觀塘海濱附近，而我住喺大澳！」

「我計過數，由屋企出發去公司，來回要4.5個鐘……（仲未計塞車／港鐵事故）首先我要行10分鐘出大澳巴士總站，然後搭嶼巴去東涌，車程要52分鐘。去到東涌再轉港鐵，一直搭到觀塘站，全程又要52分鐘，仲要轉車等車又剩。幾經辛苦去到觀塘之後，仲要迫入開源道，行15分鐘出海濱。計計埋埋，如果我要9點準時達陣，我要朝早6點起身梳洗，諗起都好驚。」

「我苦惱咗一個星期，深思熟慮之後，決定犧牲睡眠時間，接受Offer！身邊好多friend都話我黐線，又叫我索性搬離大澳，喺市區租樓好過，但哪有錢？希望我捱過試用期，盡快儲多啲錢，搵到事業目標，咁一切都值得……」

每位上班族的夢想，就是找到一份人工高福利好，公司與家距離又近的工作，但世事豈能盡如人意？不少人都像Kinson一樣，每天返工都要大長征，攀山涉水才可以到達公司。最近有人在討論區與一眾網民討論，選出香港五大「最痛苦」返工地點，究竟哪個地方最慘呢？

五大「最痛苦」返工地：（按圖了解）