做政府工壓力爆煲?網民大爆老屎忽最常講......

做政府工壓力爆煲?網民大爆老屎忽最常講......

政府工」是不少年輕人才、大學畢業生心目中的筍工。有人認為政府工人工高、福利好,而且OT機會少、大假多。最近,有自稱公務員的網民在討論區大呻,政府工絕無坊間想象般「筍」!

做正苦工,EQ低啲都唔掂!
發文者在帖文中大吐苦水,指其上司和下屬的態度皆甚為惡劣、毫無團隊精神,使得他的工作掣肘重重。

該名打工仔力數上司是典型「老屎忽」,經常拋出以下「金句」︰
「我唔理,我點都要今日要!」(當自己皇帝?)
「我都無咁講過。」(今天的我打倒昨天的我)
「好容易啫,咁都做唔到?!你同我放工前搞掂佢!」(奉旨要下屬OT?!)

事主又指不只老細「難頂」,連其下屬都十足「港女」一樣:
叫佢打字?「唔好意思,我唔係打字員。」
叫佢Filing?「我Job duty無Filing呢樣嘢!」

網民:「乜嘢工都係有辣有唔辣!」
對於發文者提出的「正苦工」論,一眾網民的反應兩極。有人認為事主小題大做,並為政府工平反:「份份工都有呢類人,睇你好唔好彩」、「政府工每年跳Point加人工,勝在透明的人工制度」、「最正的福利就係:基本上唔會炒人」。政府工雖是穩穩陣陣的「鐵飯碗」,但仍有網民批評其人工、福利制度不復從前,「轉左制之後,好多舊制福利都無咗」、「新制已經取消長俸」、「政府工跳Point幅度不大,又無雙糧、花紅」。

到底公務員是否真的「好做」?對於一眾初出茅廬的年輕人來說,穩定性高的公務員的確是相當具吸引力的「筍工」。不過準畢業生在投身社會之前,宜先做好職涯規劃、評估個人性格,以免浪費畢業後的黃金階段。

【不斷更新】各大政府部門筍工一覽

Look out for further updates on our Facebook fan page!

Related Articles

More