comScoreTag

同事零食當正餐 中佬黐飲黐食惹非議 人力顧問:勿因小便宜 損關係

同事零食當正餐 中佬黐飲黐食惹非議 人力顧問:勿因小便宜 損關係

【晴報專訊】別人資源當公家用,自己卻一毛不拔?有網民數算一名同事常「黐飲黐食」,將人家買的乾糧及零食當正餐,還明言可慳一餐飯錢。人力顧問指部分人未必源於貪心,而是個性自我而不顧別人感受,長遠或有損人際關係。

同事之間分享手信及零食是常識吧。有網民稱偶爾會買餅乾、零食給同事當茶點,但有50多歲男同事就老實不客氣,「為食男同事當正餐咁食,佢話可以慳一餐………佢真係可以兩日同我清一包餅」!日前事主帶了鳳梨酥及牛奶糖回公司,該男同事不知物主是誰,照食可也,食清光還留低個「吉盒」沒清理。

帖文引起了不少人的同感,有網民指部分同事專吼其他人的手信,「佢真係日日拎,拎好多」。亦有人說,某些同事只會食,卻極少帶食物與同事分享,「仲要慷他人之慨,請路人甲乙丙食………唔知情的人,仲以為佢好大方」。

黐飲黐食 令人側目
任職廣告公司的Sam(化名)指,曾遇過不少「黐飲黐食」同事,行為令人側目。「無論係零食或手信,有個女同事都『獨食』八成!試過聖誕節老細買咗盒有60粒H朱古力返嚟,唔夠一星期佢已食咗一半!」他又指,曾有離職同事請食「散水餅」,因買多了半打西餅,該女同事毫不客氣食了三件,「佢仲主動話打包剩餘西餅,諗住第二日做早餐!」

基督教家庭服務中心盈力僱員服務顧問高級經理吳慧琪指,曾經有打工仔反映公司收到客戶送來的禮物如月餅、戲票及優惠券等,有女同事總快人一步想要索取,「其他人為免跟她爭,知難而退,背後卻說她貪心,並且排斥她!」

要顧及個人形象
吳慧琪認為僱主應設公平制度,例如抽籤分配禮物,避免將資源集中在某些人身上。「無論是同事或上司,對這類較自我、忽略別人感受的同事,可善意提醒,譬如說『不如留番啲畀其他人』等」。當事人亦要多平衡自己的需要及個人形象,勿因小蚍あ虓l害人際關係。

依依人力資源營運總監馬盛邦指,部分人以為「零食、手信拎得返嚟,預咗人食」,沒為意自己食得過分,或惹來非議。「曾有同事四處黐嘢食,搞到其他人排擠佢,甚至畀說話佢聽,或趁機屈佢請食飯」。他建議派手信時可先說明每人分量,或逐個分派,減少爭拗。
 

Look out for further updates on our Facebook fan page!

Related Articles

More