comScoreTag

大學生霸氣搵工 反要HR自我介紹 誠意不足又無禮 嚇怕準僱主

大學生霸氣搵工 反要HR自我介紹 誠意不足又無禮 嚇怕準僱主

【晴報專訊】新一代搵工不失霸氣。有女生接到邀約見工的電話,竟要HR職員介紹公司架構及工作範圍,還要電郵幾個面試時間讓她揀。有人力顧問指,曾有求職者打聽上司性別及年紀等,被扣印象分。社工指失業率低,部分僱主深知難請人,故願意讓步配合。

帖文指有女大學生接獲人事部邀約面試,但連公司名稱及招聘職位也搞不清,還向HR職員提出諸多要求。「可唔可以電郵介紹下你哋公司架構同發展前景,我想知多少少;同埋個job duties可唔可以寫埋,我唔係好清楚,想了解下係咪啱我做。」

要求數個面試日期作選擇
至於面試日期,她更要求:「不如你寫幾個時間畀我揀,我睇下邊個時間方便再覆你。」負責聯絡的職員慨嘆:「而家啲人究竟係來搵工定做股東」!有網民笑稱,現在已非人「求」職時代,部分人見工連基本工夫也不做,甚至在見工當日「甩底」。

Cornerstone Global Partners企業及投資銀行部總監郭智峰指,求職者連公司及工作範圍也搞不清,反映無做基本功夫及誠意不足;要求面試時間遷就自己,做法欠禮貌。「如果HR建議的見面時間未能配合,應反建議可行時間,唔係要別人安排幾個時間畀你揀。」
應徵者的「騎呢」提問亦多的是。他說:「試過有人未見工,已在電話問要不要OT、人工及花紅如何,因此大扣印象分!」曾有位銀行前綫sales向人力顧問打聽老闆的性別及年齡,「他說年紀大的女上司難服待」,對上司也揀擇起來。

部分人漁翁撒網式搵工
香港基督教女青年會青年就業服務督導主任林遠濠指,部分打工仔漁翁撒網式搵工,「連自己寄信去甚麼公司也搞不清」,致出現上述情況。他發現不少年輕人求職期常不聽電話,令僱主呻找人見工也難。「以前僱主約人見工,聽到對方時間配合不到就會找另一位。現時失業率低,部分僱主知難請人,即使求職者對見工時間挑剔,也願遷就。」

對工作存既定印象 未見工便退縮
搵工要抓緊時機,太多考慮或成絆腳石。郭智峰指部分求職者對某些公司背景、行業或職位有既定印象,未見工便打退堂鼓。「譬如覺得做銀行前綫、市場推廣及電腦工程一定很辛苦,或拒絕做中資公司,認定公司管理封閉等。」他認為這些刻板印象令求職者選擇愈來愈窄,浪費不少面試機會。

他憶述,曾有位企業銀行主管被外資銀行青睞,想邀他加盟。「但這位banker未發出履歷表,就問獵頭公司許多問題,如公司發展前景及藍圖。拖拉一周後,銀行已邀另一人去面試,機會白白溜走。」他強調面試是僱主及應徵者互相認識及選擇的機會,若太多顧慮,反而浪費黃金機會。

Look out for further updates on our Facebook fan page!

Related Articles

More