comScoreTag

【必學】實習上位15招秘技

【必學】實習上位15招秘技

又到暑期實習季節,做緊或者即將做intern(實習生)的你,有無諗過實習生又可能變長工?以下15招職場秘技,可能幫到你。

1/ 做好準備:溫習公司及行業資料,留意公司最近新聞。

2/ 實習當正職做:想人認真對你,先要認真對份工。無論咩職位,你的貢獻(或錯誤)都會影響到公司和同事,唔好睇小自己的重要性。

3/ 人靠衣裝:要著到好似你想上的崗位,而唔係你做緊個位,唔好under dress。

4/ 執多套衫:擺多條呔或對高跟鞋喺公司,事關你唔知幾時會被「臨危受命」出席重要會議或酒會。

5/ 唔識要問:放膽問,總好過你亂做又做錯。但問過就要記住,唔好問完又問。

6/ 管好時間:唔好一次過攬太多job上身,做唔切要提早同人講,唔好死頂完後又趕唔到deadline。

7/ 學會適應:唔同人有唔同做事與溝通方法,學會適應。

8/ 建立人脈:唔係齋social或吹水,而係與同事建立更有質素的關係。

9/ 帶眼識人:建立人脈之餘亦要保護自己,唔好咩都話晒畀人知。

10/ 拜師學藝:向上司或同事請教經驗。你敢問,就有得學。

11/ 要聽指引:自告奮勇係好,但唔好爭住做叻唔切,做好一、兩樣,好過孭得多但無樣妥。仲有,就算有自信,實習係學嘢,要聽人指引。

12/ 要識拒絕:做intern或新人,預咗要做啲好悶嘢,但若真係畀人搵笨,要識拒絕,你係去實習,唔係去做水魚。

13/ 挑戰自我:試啲自己未做過的事,豐富自己的portfolio。

14/ 記低成果:方便日後求職。

15/ 主動詢問:主動定時問下人,評估自己做成點,睇清自己強項與弱項,取長補短。

Look out for further updates on our Facebook fan page!

Related Articles

More