【武漢肺炎】怕受感染唔出席親友婚禮 網民持兩種建議

許多市民考慮到現在外出的代價太大,每離家一次就最少花掉一個口罩,回家又要第一時間洗手和消毒,已經盡量避免外出,尤其是人流多的地方。不過,面對着特殊情況如親友舉辦婚禮等,你又會如何選擇呢?


近日,鑑於疫情不斷擴大,有網民就在討論區上問到其他人,如果近期有婚禮或宴會的邀請還會否出席? 綜觀網民的留言,主要是有2大擔憂,以致意見分歧,一為個人健康問題,二為婚禮的開支。

延伸閱讀:【人際關係】無暇出席婚禮要畀人情?港台人情金額大比拼

堅拒出席派:別人的婚禮自己的葬禮
堅拒出席親友婚禮的網民就將個人健康放在首位,認為婚禮不改期進行只是難為一眾親友,「多年朋友又唔知點推」,但出席就如「搵命搏」,所以有網民就決意不會出席,留言指一對新人如果沒有考慮賓客的健康和安全實在太沒有良心,就算被迫出席也不是真的替新人感到高興,一心只是想盡快回家,「寧願錢照畀,快D完,嘢都唔食,返屋企煮公仔麵食仲安全,依家咩時勢呀!」、「去嚟搵命博?畀曬訂又點,有Fd 2月擺,有兩個做姊妹都話唔去」。更有人留言表示「下次先」、「別人的婚禮,自己的葬禮」、「可能係你人生參加最後的一埸婚禮」。

理解新人困難派:唔係Book枱食飯咁容易
另一邊廂,有人留言反駁指表達堅拒出席的人根本不明白舉辦一場婚禮的困難,不是一句說改期就可以輕易解決,「大家好似講到改期係Book枱食飯咁容易,其實作為新人已經好大壓力」、「好多嘢都身不由己,酒店畀唔畀改,改去邊日,化妝影相有無期,親戚買咗機票返嚟,剩係呢幾樣都有排搞啦」、「人哋結婚撞正肺炎已經慘,唔去我都明,但仲要講啲咁惡毒嘅說話」、「佢揀唔改,你可以揀唔去」。

延伸閱讀:【時事熱話】調查︰12%人因社會氣氛延婚期 酒店人情增至$1,400
 

Look out for further updates on our Facebook fan page!

Looking for jobs?