【殺入金融界】Intern 5招傍身變大鱷

來到暑期實習旺季，不少本科生打算入投行做Intern（實習生）變大鱷，但金融業以工時長見稱，之前更有Junior Banker工作過勞致死，令不少新鮮人卻步。然而，高盛今個暑期收到超過25萬名大學生應徵做Intern，比2012年多出逾4成，可見大行吸引力仍在！

想入金融界，又唔想「搵命搏」？請學定以下5招求生。

1/ 一早主動搵嘢做
晚晚都OT的原因，很大機會是因為上司接近放工時間才交代新工作。解救方法是，「自己一早主動搵嘢做」。臨收工時你仍在忙，工作自然會轉到「閒人」身上。

2/ 善用公司工具
很多大行網站本身配備各種工具，方便整理PowerPoint和Chart，應該善用。

3/ 分緩急輕重
作為Intern，人人都可以分配工作給你。所以一收到Order就應該問限期，估計哪邊比較趕急、重要。

4/ 做咗啲Excel嘢先
投行為「保護」Intern，規定他們準時放工。但工作沒做完又「被放工」點算？記得於辦公室先完成Excel相關工作，其他帶回家中再做。

5/ 做得快唔係好世界
工作不是求快，而是求準確。做錯會令自己留下不良紀錄，所以完成工作後務必反覆核對清楚，不要貪快交了便算。