「失業」似乎是現時很多人面對的問題，雖然2020年的最新失業數字尚未公佈，但根據2019年失業率的上升趨勢，再加上現時疫情爆發，本身在業的也可能被解僱，失業的仍舊失業，不但「一罩難求」，也是「一職難求」。
事主自爆失業2大原因
一名碩士畢業生在Facebook專頁投稿，指自己上年8月學成回港，本身以為返港後找工作應該很容易，豈料當時因為社會事件，不少公司也減少招聘，甚至取消了管理生培訓計劃，雖然他表示理解當時的社會狀況，但是轉眼間又因為新冠肺炎而進一步削弱香港的經濟環境，更聽聞有些公司紛紛裁員或安排員工放無薪假，所以一直未能找到正職，慨嘆求職無門。
揾工艱難除了因為時勢影響，也是因為事主缺乏工作經驗。事主表示自己半年來已經求職近100次，但只得少數有回音，當中又有僱主覺得事主欠缺工作經驗，所以並不作考慮，讓事主大感無奈，「邊有人一畢業就有經驗架？實習個啲又唔計，咁我可以點喎？」更因為家人一句「讀屎片，畀咁多錢去外國讀書結果都揾唔到工」，自覺無用，浪費了父母的金錢，但又感到無能為力，於是想請教網民面對此情此景，該如何是好。
延伸閱讀：【網民職場Talk】原定本年度轉工 網民：裸辭後待業足足半年
網民：學識係自己嘅本錢
不少網民留言安慰事主，表示求職很多時也要講運氣，未必是自己的能力不足，「學識係自己嘅本錢之一，只係時勢唔就啫，唔使咁灰！香港人應變能力高，每個年代都有高低潮，咪又係咁過！只要識得忍耐、走位，把握機會，遲啲就會好！加油」、「你阿爸嗰度就唔好理佢，書讀咗，知識係你嘅，張砂紙都係你嘅，佢只係將佢嘅個人願望投射響你度，你冇必要為佢嘅個人願望埋單（係難嘅，不過真係要當聽唔到）」。
網民又鼓勵事主趁這段空檔多找機會增值自己，「建議做住Part Time如麥記多了解社會，Interview時都可以比到Interviewer積極的感覺」、「類似嘅經歷我都試過，一係你唔介意拋頭露面做低技術工作，否則你而家就係要裝備好自己，學下啲Soft Skill，例如文職就Train定自己Word、Excel、PowerPoint、打字etc，一係做啲Design Freelance，再唔係網上做小手作小買賣令自己有啲收入」。
【轉工跳槽】疫境轉工屬妄想？ 轉前先衡量4點
【自我增值】襯衫只係成功第一步？ 專家教辦公室打扮4大技巧
【自我增值】醫療保健行業前景如何？想入行讀咩Course好？
【自我增值】銀行戶口入不敷支？ 3招應付突然收入大減
【職場奇聞】時光倒流20年？堅持用memo紙竟然引起罵戰...