comScoreTag

【注意】老細唔妥你20大凶兆

【注意】老細唔妥你20大凶兆

在公司未必人見人愛,但若然唔妥你嗰位就係你上司,咁就大件事。上司要保持專業,會盡量隱藏將情緒,但佢始終係人,總有啲蛛絲馬迹會露出端倪。

以下20個蛛絲馬迹,暗示上司唔妥你。中少過5項仲可以當自己「諗多咗」;中多過5項就……自己小心了。

1. 直覺唔多妥
直覺覺得上司唔多妥你?對你零舍唔同?有差別待遇?不要懷疑,立刻去搵證據。

2. 商量無你份
上司作重要決定前,無搵你商量、無問你意見,有機會對你信任程度不高。

3. 零眼神接觸
眼神好難講大話,上司避免同你眼神接觸,費時你知佢dislike你。

4. 對你無表情
只要有你在場,上司即刻蓄意收起笑容、板起塊面。

5. 對你乜都管
對下屬鉅細無遺乜都管,可能係上司本身危機感重,但亦有可能係佢對你無信心。

6. 處處避開你
上司見你等lift,佢就行樓梯,工作都專登編到撞你唔到。

7. 招呼零反應
每朝你返工同上司講早晨、放工講拜拜,佢都零反應,令你覺得零存在感。

8. 對話一句起兩句止
交代事情曷特別簡短,一句起兩句止,甚至只得「OK」或「嗯」等答覆。

9. 翹手翻白眼
一對住你,上司就身體很誠實地「翹晒手、翻白眼」;你有事請教時,他頭也不抬繼續望住電腦。

10. 零正面溝通
上司只經Email或者WhatsApp交代你要做的事情完全無意與你面對面溝通。

11. 道門閂到冚
如果你上司坐Office,但他實行「門常關」,這有可能代表他不想與下屬有任何交流。

12. 乜都唔啱聽
你提出的所有意見,他都聽唔入耳;但隔籬位講類似東西,佢又Buy喎。

13. 同你齋公講事
上司同你講公事好正常,但同其他人會傾埋屋企啲細路乜乜乜,擺明對你零興趣。

14. 齋畀碎嘢做
上司專Forward完全唔使帶腦H「濕碎嘢」過你做?這不叫叫體恤,而是並沒有尊重你的能力,甚至可能想逼你走。

15. 無讚亦無彈
無論你做成點,上司無讚亦無彈,零反應意味住他根本唔Care你點。

16. 當眾落你面
「人要面樹要皮」,他對隔籬位就「陣間入我房」,對你就公開行刑。

17. 唔同你講笑
同成班人一齊有講有笑,即當你係自己友;一對住你,上司的「爛Gag」消失,證明辦公室很危險。

18. 唔畀Credit你
無論你有幾勤力、提出十萬條「絕世好橋」,上司硬係唔畀Credit你。再加上若然佢只對你一個有此態度,閣下就要自求多福了。

19. 唔使你跟嘢
你花光所有心機,上司一句「呢個Project唔使你跟喇」,如果每次都出現此情此景;好明顯事有蹊蹺。

20. 淨係躁你底
對住其他人就有耐性,但對住你就躁底。

Look out for further updates on our Facebook fan page!

Related Articles

More