【熱話】打工仔失業4個月嘆壓力大 網民有咩建議?

【熱話】打工仔失業4個月嘆壓力大 網民有咩建議?

香港生活指數高,衣、食、住、行的每樣洗費只有加沒有減,普通打工仔如果失去工作恐怕難以維持正常生活。近日有網民於討論區發文,大嘆自己失業四個月,銀行儲蓄已所剩無幾,坦言「極灰」。

憑中四學歷難以求職
事主於帖文中指家中父母已年近七十,只有父親獨力工作,但自己失業近四個月仍然還未找到合適的正職,怪責自己「唔生性得中四(學歷)」。他更指自己的履歷表上「得兩份Sales見得下人,得張爛鬼葡萄酒Cert」,難以搵工。

帖文一出,不少網民都建議事主「唔好揀擇」,可以先從Part-time工作入手,如酒店炒散、搬運、不怕日曬雨淋的話更可於地盤工作,勤力的話亦可有逾萬月薪,應該一邊做一邊「騎牛搵馬」;亦有網民指事主擁有營銷經驗,可考慮從事相關行業「頂住檔先」,如零售、地產、保險等。

此外,事主亦提到自己欲儲錢讀大學,但又覺得距離目標過於遙遠。網民就認為事主只得中四學歷,不應一下子跳升到大學課程,否則會「吃不消」。應該先從興趣班、中學學位或其他銜接課程再開始,起碼要先得到五科合格的基本工作要求。

網民回應
網民A:「大把藍領可以做,睇你過唔過到自己個關。」
網民B:「隨便搵份PT騎牛搵馬啦,少啲都好過無。」
網民C:「可以諗下做司機,其實好好搵,兩三萬唔難,講緊的士。」
網民D:「其實有手有腳唔會話無工請,你肯唔肯做姐,餐飲業長期請人。」
 

Look out for further updates on our Facebook fan page!

Related Articles

More