【畢業就業】大學生返四五份intern做爛市 網民:畢業之後有排你捱啊!

「大學五件事」包括讀書、上莊、住Hall、拍拖及兼職,很多大學生認為要做齊這五件事才稱得上是無悔的U Life。不過隨著就業競爭越趨激烈,大學生視實習為更重要的事,甚至犧牲校園生活以換取intern經驗。最近有網民分享,認識有大學生返四五份intern,甚至在Year 1就開始「刷靚」CV,慨嘆這個現象十分畸形。

延伸閱讀:【家庭關係】Fresh Grad一畢業就要養退休雙親 月入僅$13,000感巨大壓力

該網民指出,以往大部分學生只會在Year 3暑假做一份intern,其他時間開開心心享受U Life及放假。「但係而家啲人做爛市,summer又做,winter又defer走去做,有啲誇張到Year1就去做幾份,成個大學圈子被呢班人搞彎晒。」他慨嘆可能在僱主眼中,大學生有四五份intern經驗才是基本。

其他網民有咩意見?(按圖了解)

-以前大家淨係Year 3暑假做一份就夠,無必要summer做,去到winter又做,喺度做爛市唔知為咩!
-而家連搵intern都要有工作經驗,大公司intern要至少1至2份intern support先有機會有Offer。我身邊啲人Year 2 開始已經半工讀咁滯,無計呢個係大勢所趨,搵工只會越來越大競爭。
-人生遲啲大把時間返工啦,如果咁鍾意刷四五六份intern,不如Quit u提早返工算啦!
-而家嘅大學生:打工先係佢哋正職,返大學只係副業。
-認真返一兩份intern都夠,大學留返啲時間去玩好過啦,第時畢業有排你捱啊!
-人係咁自私㗎啦,為咗要份好工,你哋淨係返一兩份intern,我咪返三四份囉,點都爭贏你哋!
-做intern本身已經好扭曲,明明大學係俾你思考同探索唔同興趣,而唔係職業訓練所。暑假同寒假原意係俾你遊山玩水或者上興趣班新嘢,而唔係瘋狂返工。 
-社會流動性低,咪變咗人人自危,無intern又驚搵唔到工,有intern又驚唔夠競爭力,慢慢變成而家呢個崎形情況。
-我淨係返過一份intern,返去都係同人吹水居多,其實無咩嘢學到,旨在寫CV呃下人。而家個個都話要返2-3份先搵到工,真係sosad……
-因為越來越多賤格公司以請intern為名,cut cost為實,搞到而家大學生返intern嘅畸形現象!

 

除了Intern之外,不少大學生都會選擇做Part Time賺點外快。Sem Break時間有限,究竟應該揀實習抑或兼職呢?

決定前可以問問自己以下的問題:(按圖了解)

延伸閱讀:【職場熱話】應唔應該趁後生試多啲唔同嘅part time?網民:未畢業試水溫!

延伸閱讀:【求職攻略】大學畢業應否入政府?搶「鐵飯碗」前諗清楚5個因素

延伸閱讀:【職場貼士】初創企業前景好?畢業生加入StartUp前的6個覺悟

 

【最新調查】《CTHR 2021年畢業生薪金及就業調查》結果出爐!立即下載調查報告!

Look out for further updates on our Facebook fan page!

Related Articles

  • 【行業辛酸】網民大數最辛苦嘅Part Time 呢份工做到收工行路無力?

    上班是因為責任,還是愛?是因為窮啊!這個時勢,想找一份工作不容易,為了維持生計,不少人都會選擇先做Part time,豈料到與想像中大有出入?

  • 【職場熱話】40歲文職女中年失業 降grade減人工都無人請 網民:藍領係唯一出路

    本港失業率升至7.2%,有學者預料數字仍未「見頂」,即未來將有更多人加入失業大軍。日前有40歲從事文職的女網民於網上發文,大呻中年失業苦況,指自己即使願意降grade減人工,也未能成功爭取工作,令她倍感灰心。

  • 【BNO 5+1】港人移民英國點搵工?精選6大英國求職平台

    英國政府今日(1月31日)正式開放BNO簽證服務,合資格港人符合條件即可以「5+1方案」申請成為英國公民,移居英國開展新生活。好多人都擔心在當地較難找到工作,以下精選了6個英國熱門求職網,長工兼職炒散Freelance一應俱全,當中更有平台專為香港人而設。

  • 【市場營銷】新品牌點進入大灣區市場?專家話要留意10大消費趨勢

    隨著香港與大灣區有更多合作機會,不少本地企業也想進軍內地市場,吸納更廣的顧客群。香港市務學會(HKIM)早前特別邀請第一代中國廣告人陳一枬(Viveca),以真實成功案例分享新品牌進入內地市場的營銷策略,以及內地消費者之趨勢。

  • 【職場熱話】應唔應該趁後生試多啲唔同嘅part time?網民:未畢業試水溫!

    大學要做兼職,似乎是很多大學生的必經階段。兼職人工高固然好,不過大學生最着重的其實是兼職的體驗,以自己的勞力去換職金錢,同時可以初嘗職場滋味,實在是不錯的成長過程。不知道各位打工仔,在學時的全盛時期,曾做過多少份兼職呢?

  • 【職場衣著】Formal上班服已過時!Smart Causal與Business Causal有咩分別?

    疫情除了改變全球僱員的辦公模式,亦令員工對於上班服產生新看法。有調查發現過半數打工仔認為正式的商務服裝已過時,他們更著重衣服的舒適度及休閒感,令Business Causal成為職場潮流衣著。究竟Business Causal和Smart Causal有什麼分別?以下為大家整理了幾個穿搭要點。

  • 【職場熱話】公司同事將垃圾亂丟 網民最恐怖見過OO出現在茶水間

    在疫情肆虐的時期,注意個人衛生是保障自己及身邊人的最佳方法,特別是在人煙稠密的辦公室,更應該著重整潔。最近有網民表示公司有缺德同事,胡亂棄置垃圾,更將染有血跡的M巾丟進茶水間垃圾桶,「點解唔丟喺廁所,要拎去Pantry?」,引來網民熱烈討論。

  • 【Ansonlo生日】《大叔的愛》取景大公開!可以去田田閨房Staycation?

    MIRROR成員Anson Lo(盧瀚霆)於7月7日26歲生日,「教主」生日,「神徒」當然大肆慶祝!除了連司棋姐都忍不住要影相的巨型廣告板、「教主巴士」、巴士站燈箱外,還有雲頂夢號的郵輪燈牌,非常有氣勢!如果可以舉辦生日會,大家又會想在哪裡舉行呢?不如就在Viutv劇集《大叔的愛》中的田田閨房?

  • 【職場熱話】工作事事上心冇好結果 網民慨歎:慢慢變成自己初初最憎嗰啲人…

    還記得那個初踏職場的自己嗎?一時醒起,那個自己好像已經離開很遠了……當時還是職場新鮮人的自己,一定充滿幹勁,覺得事事都可以做得完美,用上很多精神和時間,可是,一次又一次與自己的期望落空,相信大家都在不停經歷吧?

  • 【職場人際】職場人際好複雜? 5 條問題 嘗試改變你對職場關係的想法

    職場人際向來是困擾打工仔的問題。除了要面對與上司的關係,還要處理與同事和客戶的關係,一旦處理不當,隨時影響到個人的職涯發展。在職場上需要建立各種關係的確容易讓人感到壓力,特別是對於職場的新鮮人。但人際關係是生活不可或缺的部分,而它們亦是生活上的一種投資。或許退後一步,反思一下自己職場關係的現狀,嘗試從自身改變對職場關係的心態。在維持職場人際感到壓力時,可以嘗試問自己以下5 條問題,看看能否改變你對職場關係的想法。