【網民職場Talk】做秘書要兼任接待員 網民大感不滿

香港生活成本高，不少公司為節省資源會要求員工身兼多職，處理多個不同職位的工作，這個情況在小型公司更見普遍。有於小型公司任職秘書的網民向社交媒體專頁《奴工處》投稿，分享經常要兼任公司接待員的辛酸，不滿公司不遵守合約內容。

【網民職場Talk】坐附近同事每事發動電郵轟炸 網民無奈

每個員工在入職前，都會大概知道自己的職責、所屬部門等，投稿的事主在應徵和簽約時都清楚自己是公司的秘書，但入職後卻經常要頂替接待員的工作，無時間處理自己的工作，加上本來要兼任接待員的公司經常「卸膊」，令事主被迫處理兩個職位的工作，最終憤而離職，「好心啲細公司無資源就執咗佢啦，成日唔跟合約做嘢，我每日唔返9點返12點又得唔得？最憎啲又窮又出唔起錢又用到人盡嘅公司」。

網民分享身兼三職經歷
帖文引起不少打工仔的共鳴，不少人都曾經歷類似事件。有網民分享指，自己任職會計，但要兼任採購工作，「幫公司訂水買紙巾，有一次仲要痴幾千個信封」，有網民則曾兼任秘書、接待員和清潔工，「我之前喺一間好大嘅中資做秘書，後來叫我做埋前台，再要去公司所有宿舍（私人樓單位）做執房呀姐，又要洗廁所，換床單仲要拎埋落街洗！」。不過，亦有網民認為這是職場的常態，「好多公司老闆都係咁，有嘢做就向下壓，唔加人手又唔畀錢，仲要覺得你無嘢做，好得閒」。

【網民職場Talk】職位高不等於待遇好 網民盡數升職加辛之苦