【網民職場Talk】大學一畢業即讀碩士會後悔？文科生半工讀返3份兼職

一些對學科有滿腔熱忱的莘莘學子，會選擇在學士畢業後，立即攻讀碩士學位。這樣的做法，可以令學業生涯「無縫接軌」，將來畢業便屬高學歷的一群，有利於尋找某些行業的工作，如學術研究工作、法律相關等職位。可是，高學歷的背後，卻有不為人知的辛酸。有網民於討論區發帖文，表示對於自己一畢業便攻讀碩士課程，感到非常後悔。

延伸閱讀：【自我增值】CEF嗰兩萬蚊仲未攞？可考慮呢啲持續進修課程

攻讀文科碩士學位 靠3份兼職支付學費
事主去年學士畢業，隨即攻讀文科碩士學位，對於要靠3份兼職支付學費，感到吃力。加上近日新冠肺炎肆虐，慘被「Cut更」，經濟開始出現危機：「肺炎嚟到，全部（兼職工作）唔使返。屋企環境不嬲都唔好，一直都要畀錢屋企，Saving又唔多，呢掛都Keep住揾工」。正當事主收到新工作Offer、完成簽約手續後，卻收到噩耗：「有一間簽晒約，話3月返工。剛剛收到Email話要Terminate個Contract，因為肺炎唔知幾時完，佢哋要精簡人手」。如此打擊，令事主感到絕望。

延伸閱讀：【職場熱話】邊進修邊揾工 求職者擔心影響獲聘機會

網民建議放棄讀碩士
有網民得知事主的苦況，認為應先支持家中經濟，以後再繼續學業：「人無遠慮，必有近憂。人生太多意外，唔好話肺炎十年先一次，萬一你自己或者屋企人有咩事都搞唔掂。而家先Quit Master，正正經經搵份Full time，儲幾年錢先啦」。有人則認為事主追求學習的心應該得到鼓勵：「加油，揾下送外賣果類App，自由分配時間，我相信捱得過的」、「如果真係頂唔順就揾人幫手啦，始終Master都係仲有幾個月啫」。有同路人則認為現時的市況正是讀碩士的好時機：「依家讀Master先好。依個時候揾唔到工，又有讀書，無空白期」。