【網民職場Talk】工作悠閒但無得著 打工仔猶豫去留

【網民職場Talk】工作悠閒但無得著 打工仔猶豫去留

不少打工仔都會認為「薪高、糧準、假期多」就為之「筍工」,然而除了薪酬福利等條件,工作能否配合自身發展亦是打工仔的考慮因素之一。近日有網民於討論區發文指,自己在工作上無甚得著,為此猶豫應否轉工,抑或留在同一公司累積年資。

工作內容簡單 欲尋求新挑戰
事主指,雖然工作內容簡單、與同事關係不俗、工作時間亦固定,有私人時間而且薪金足以應付生活,但始終認為「返咗一年工,發現無乜學到實質嘅嘢」。故近日開始猶豫應否轉工,選擇一份「高薪少少但忙啲又學到嘢嘅工」,還是繼續留在公司累積年資。

帖文一出,有網民認為事主累積「無學過嘢嘅年資」其實只是「負擔」而不是「資產」,如果不是求安穩舒服過日子的話,應趁年輕多作嘗試,即使新工作的條件仍不合心意,仍有轉工的本錢。

此外,亦有網民建議事主辭職前先打聽市況,亦要了解心儀公司的背景、規模、工作內容等,預計是否有更多值得學習的地方。雖然於履歷表上可能會相對「Jumpy」一點,但始終要「趁後生學多啲嘢」,找到理想的工作後再考慮長時間留在崗位上發展。

網民回應
網民A:「反正人工唔太高,隨時搵過份都有呢個價。」
網民B:「首先你自己要去學,唔係等野學。如果巴打你係等野學其實你去到邊都係咁。」
網民C:「如果你地想一世都咁舒服,唔介意人工低假期少,就留。否則的話,就快啲轉。」
網民D:「如果試兩三次你都發做嘅既嘢都係咁就要做長一啲,因為你嘅行業可能就係咁。」

Look out for further updates on our Facebook fan page!

Related Articles

More