2020-07-10
相信大部份打工仔都認同，明明在街上好精神，但一回到辦公室，睡魔便會急Call，尤其是Lunch後兩個鐘，簡單是來回地獄般痛苦。不過，有網友在討論區開Post表示，當辦公室人人想「釣魚」時，永遠有幾個人特別有精力，他們就是上司及老細，令網友費解「點解啲上司永遠咁好精神」。
延伸閱讀︰【職場Sick Leave】逢星期五請病假連放3日？ 網友︰Call完好內疚
做得上司和老細，總有他們的原因。網友問「點解啲上司永遠咁好精神」，相信亦預計其他打工仔會說「因為咁先做到你上司」、「人工包埋」、「唔好精神上面邊會升佢」、「所以佢咪做咗你上司」，亦有人指「樓主問得呢個問題，永遠都唔會做到上司位」。
另外，有網友表示自己初入職場時，會可憐上司瘋狂OT，日日做到無停手，但知道上司人工高好多時，就立即改變自己想法︰「在職場有同情心好傻」。
延伸閱讀︰【打工仔辛酸】放假仍被急Call催進度？ 網民：咪接電話啦！
3大提神方法
1. 不時走動一下
在辦公室坐足9個鐘，不但對身體造成負擔，腰酸背痛，長時間坐在位上，亦會減慢血液循環，因此建議打工仔不時站起來，或走動一下，放鬆身體的同時避免眼睛長時間對著熒幕，一舉兩得。
2. 比起飲咖啡 飲水更有效
曾經有研究顯示，若人體缺乏水份，會引致身體疫勞，精神不佳，所以就算坐在辦公室，都應該常常飲水。至於咖啡和能量飲品，雖有提醒作用，但含有高糖份，對身體不健康，即使飲齋啡亦對胃造成負擔，建議用水代替。
3. Lunch花10分鐘小休
因為新冠肺炎疫情的關係，大多打工仔都留在辦公室午膳，如果精神不佳，建議花10分鐘睡覺，減輕眼睛疲勞。
Look out for further updates on our Facebook fan page!
【職場兩性】Engine仔自覺配不上護士女友 「佢人工係我兩倍，做嘢好叻好捱得」
【網絡熱話】打工仔埋怨鰂魚涌站「世界級設計」 港鐵轉車站大比拼！
【職場貼士】老細突然黑面發脾氣？打工仔可能做錯呢10件事
【政府工略】政府產業署請行政助理！一年全職經驗 月薪達$28,930？