【網絡熱話】打工仔發現新同事人工高一截 大呻心理不平衡 網民:你有料咪轉工

同工不同酬在職場上十分常見,即使是同期入職的員工,由於各自的Expected Salary、背景及經驗等的差異,最終會得出不同的薪金。最近有打工仔在討論區大呻心理不平衡,皆因他發現新同事人工比自己高一截,一直耿耿於懷,不知道要如何面對。

延伸閱讀:【職場貼士】工作量變多但遲遲未加人工?與上司談加薪的「3不5要」技巧

打工仔點樣發現同事人工高過佢?(按圖了解事發經過)

打工仔:「我返咗呢份工2個月左右,上星期有個同我同級嘅新同事入職。因為我哋比較新,所以成日一齊食飯吹水,關係都算唔錯。有一次食飯,佢無意中透露咗自己要供幾多錢MPF。我即刻計計數,發現原來佢份糧高我成千幾蚊!我開始有啲心理唔平衡,有時當佢問我工作上嘅嘢,我都唔太想答佢。我知道唔係佢問題,但個心真係會唔舒服,好自然就會比較。自問工作能力OK,經驗同佢差唔多,仲係同一間大學畢業。唉……點解我人工會低一截?呢幾日心情都好差,唔知點面對。」

網民點睇?

網民A:出嚟做嘢成日都有同級唔同酬啦,真係咁唔鍾意咪轉工,或者可以試吓跳草裙舞,順手試埋老闆對你嘅睇法。
網民B:莫講話你早兩個月入職,就算遲你兩年入人工高都唔出奇,要爭取就同公司講,唔好將不滿發洩喺對方身上,浪費精力又幫唔到自己。
網民C:魚要過塘先至肥,想人工加得快全靠跳槽,如果你有料咪轉工囉!
網民D:決定人工牽涉好多因素,可能佢上一份工人工比較高,跳過嚟點都唔會比之前少掛?當然你可以覺得自己比佢好,咁你更應該做好工作show畀上司睇,增加調整薪金bargaining power。
網民E:其實你同事無錯,未入職又點知公司呢個級數嘅人幾高人工呢?唔好對新同事咁差,最多到3個月過試用期搵上司傾傾價錢。
網民F:入職人工係自己同公司傾,大家OK先會返工。個遊戲係咁玩,係政府先會同級同酬,唔好怨天怨地,積極做實事吧。
網民G:所以話同事之間千其唔好講同錢有關嘅話題,無謂產生比較影響關係,盞自己唔開心。

有網民提議事主在試用期過後,「跳草裙舞」向上司爭取更合理的待遇。不過跳草裙舞的風險高,在實行前應該好好思考以下5個要點。

提出加人工前要做好5個準備:(按圖了解)

延伸閱讀:【職場貼士】9大跡象顯示現職工作非常適合你

延伸閱讀:【職場文化】助理經理人工高過經理?打工仔質疑︰點解公司咁鍾意開大Title?

延伸閱讀:【職場熱話】Fresh Grad不滿公司出手低 接受Offer後要求加薪無回音

 

【最新調查】《CTHR 2021年畢業生薪金及就業調查》結果出爐!立即下載調查報告!

Look out for further updates on our Facebook fan page!