【職場奇聞】女同事老公踩上公司 事情發展令同事目瞪口呆

上班除了埋頭工作、處理日常事務，有時也會發生意想不到的新奇事。有打工仔於「奴工處」專頁分享近日於辦公室所見的「綠帽慘案」奇聞……

延伸閱讀：【自我增值】3招應對公司八卦是非 同AI做同事仲自在？

70後女同事 原來有老公
事主公司有一位70後女同事，平時喜歡玩交友App，亦從未向同事提及自己的感情狀況，故同事們一致認為她是單身貴族。近日，有同事留意到她在辦公時間收到律師致電，並指她會「鬼鬼祟祟去聽」，「雖然有啲古怪，但係估唔到同之後嘅事有關」。

「某個星期五，有個男人上嚟公司，我哋以為係整電腦之類，就開門畀佢，點知一門佢就叫：『大家睇下XXX（70後女同事），出面有男人！』」。男子展示出以A3紙印出該名女同事與男士約會的親密照，包括濕吻、旅行等相片，內容相當露骨。「呢刻，我哋先如夢初醒，估唔到佢結咗婚，亦估唔到佢有外遇！」。

被揭發有外遇 女同事冷靜回應
女同事的秘密被公開，但卻表現得異常冷靜，冷冰冰地說：「出面有第二個幾瘀呀？畀人知道我有個醜嘅老公仲瘀啦。照下鏡啦，你着成咁覺唔覺得醜怪。我揾咗律師離婚！」。

有男同事出面打圓場，安撫該名登門「踩場」的男士：「綠帽係男人最痛，同是天涯淪落人，明嘅明嘅。我哋去飲返飲杯吖。｣之後，大家搭膊頭離開公司。事後，一眾同事議論紛紛，指完全猜不到女同事已婚，並且搞外遇，還鬧出有如電視劇般的事。最後，該名女同事更於事件發生後不久，遞信辭職。

延伸閱讀：【網民職場Talk】返工講粗口要罰錢 背後原因打工仔聽到反白眼

網民表示佩服同事處理手法
帖文引來不少網民留言，指此種事實在只宜一笑置之：「小事，香港大把。笑一下就完」、「佢老公做啲嘢好好笑」。有人認為，事件戲劇性強，故很佩服同事冷靜應對：「辦公室啲同事先係最勁，一句平息到件事」。有人則慨嘆：「戲如人生，無咩野係無可能，只係好多時想不到個主角是自己」。