【職場熱話】做老師好過唔少工?最麻煩係○○○○

學校是充滿回憶的地方,也是塑造每個人的地方,即使同學、老師如何,但也佔據了每人心中的一席位。許多人走出社會工作才感到求學時期的可貴,而有些人則以另一身分重返校園,執起教科書走進課室,成為一名教師。表面上,許多人認為老師如學生一樣多假期,也可以在天黑前抵達家門,但實際上是否這樣輕鬆呢?近來,香港爆發教師離職潮,但網絡討論區「連登」卻有人以「做老師真係好正」為題,引起眾人熱烈討論教師這種職業的優劣。

延伸閱讀:【職人故事】42歲擔任英華書院新校長 首名非「英華仔」出身

破除迷思,老師真係薪高多假期?(按圖了解)

人工高?

網民:一畢業就$30,000,而家好多無牌都做到。

網民:而家呢個年代教大仲係收緊20分左右,好多畢業生起薪都近$30,000。

網民:今年開學前有勁多教席offer,唔使有教學文憑都做得,識人最癲做咗三個月TA就有offer 做老師,pdge再後補慢慢讀,人工咁就兩萬幾。

網民:無牌而又有$30,000嘅例子十分罕見,通常呢啲offer都係比較差又請唔足老師嘅學校先會俾。

網民:普通常額老師做到頂應該大概有$70,000,但係想更進一步就要再去進修。

早放工?

網民:而家學校放1點更輕鬆。

網民:做常額老師收工時間相對自由,只要你可以完成自己工作就無人會理你收工時間,所以好多老師鐘意早啲走,帶啲嘢返去做。

網民:「早收工」不過係因為人哋早返工……

多假期?

網民:如果計常額老師,假期的確多過其他工,我唔否認。

網民:除紅日之外,仲有其他日期(視乎學校政策),但老師暑假並非真正意義嘅放假,暑假返嚟補課或者帶活動十分常見。

網民:不過平日無重大事情唔可以請假……

做老師的難處,最麻煩是○○○○:(按圖了解)

辦公時間外繼續做

網民:返到屋企都要改簿,性價比好鬼低!

網民:學生可以隨時WhatsApp 你問問題。

網民:workload唔係大過其他行業但的確唔係細,改簿、行政、帶隊、開會樣樣都係時間。改簿可快可慢都係睇每個人style……

網民:老師成日要去不斷進修,應付教學及行政上的更新,有時要帶隊,禮拜六日都無得收工。

可能要跑成績數

網民:教高中仲大鑊,DSE學生成績差又入你數。

網民:你教DSE班,交唔到數會被人照肺,係連份工都可能無,極大心理壓力。

網民:以前我中學中四Econ全班35個人,多過2個人overall fail就要執包袱走人……

網民:PE老師為咗多啲學生拎獎,費事老細鬧你鬧到喉嚨痛,要落嘴頭氹多幾個學生參加比賽。好諷刺地連有啲其他科老師都以為PE老師無嘢做,以為佢哋日日郁下跑下就收工。

應付家長

網民:老師係服務性行業,你估只係應付學生?仲要應付班怪獸家長,又唔可以得罪佢哋。

網民:一食唔住啲家長就成日煩啲老師。

網民:做老師要應付家長教師會。

最麻煩是行政工作

網民:老師最麻煩、最唔想做係行政嘢,我以前學校老師都話寧願教多班,都唔想做班主任搞啲乜收通告嗰啲麻煩嘢。

網民:好多學校近一兩年唔夠人手,一個老師要做埋好多唔關教書嘅admin嘢,星期六都要返工。

網民:收生不足嘅學校為求生存一定會減人手,不斷增加行政工作俾教師,睇下邊個頂唔順先。

網民:老師行政工作多到成座山咁,開科會、開組會、開行政會、寫教案、寫教學進度表、同書商聯絡、搞活動、特殊學生報告、出通告,仲有一大堆數唔晒。

 

春風化雨不容易 教好學生應有義

老師工作表面上看似吸引,但許多做老師的網民也認為行外人不理解教育行業的工作量。老師除了對學生負責的同時,也需要完成校內上級的工作要求,還有處理家長的查詢與投訴。

許多網民指出,老師放工後不可以完全放下工作,「負責任嘅人做呢行真係24小時on call」。假如遇上學生有情緒或家庭問題,老師更要充當社工部分工作,例如輔導,有網民慨嘆老師連「學生屋企都要關顧埋」。

「春風化雨」四個字背後蘊含了老師的辛勞。現代社會對教師要求不斷提高,老師不單只是傳授知識的職業,更要負責學生的全人發展。

延伸閱讀:【職場熱話】困惑同事銷售太誠實是否好事?網民反指:你應該成日講大話

延伸閱讀:【職場熱話】積極工作等於奴性重?打工仔寸同事搏表現 反被網民指責多事

延伸閱讀:【畢業就業】語言學畢業必定難搵工?入職宜認清學科優點

Look out for further updates on our Facebook fan page!