【職場熱話】公司反口唔加人工 打工仔嬲爆:無誠信側側膊

【職場熱話】公司反口唔加人工 打工仔嬲爆:無誠信側側膊

每次見工,薪酬叫價往往最難開口,開得低又怕「頂爛市」,開得高又怕嚇走僱主。近日有網民於討論區發帖指,在新公司見工時講明試用期後會有$22,000人工,惟僱主於員工試用期後指出因市況低迷而不會加人工。事主知道後認為公司唔出聲,形容公司冇誠信。

 

事主指,見工時公司講明未過試用期人工為$20,000,三個月後加到去見工時要求的Expected salary $22,000。但去到第四個月,人工竟維持在$20,000,「唔問佢都唔出聲,冇加人工係因為大環境市場經濟低迷,公司入不敷支」。事主認為,如果唔加人工可以事先講聲,大家商量一下,「要到人問先拋個咁H理由出嚟,誠信上都大打折扣啦」。

不少網民認為,這就是打工仔悲歌,「算啦,喺老細眼中,香港經濟年年都低迷!佢哋覺得,香港經濟冇好過,賺錢=賺雞碎咁少=經濟唔好」、「好多公司諗住唔講就當無事發生」。亦有網民認為,合約冇寫冇得拗,「合約有冇寫?無寫你無得拗,簽之前你都有責任睇清楚份合約有冇錯,齊唔齊Terms(條款)。除非佢做口頭承諾時你有人證或者錄音,否則死口唔認你吹佢唔漲,搵定工啦」。
 

Look out for further updates on our Facebook fan page!

Related Articles

More