【職場熱話】參加bootcamp學識數據編程? 網民:百貨應百客

對現職工作不滿意,想轉換工作跑道,投身其他行業,但又無法付出太多時間重投校園,有人會嘗試以短期的bootcamp掌握新技能。但是,有網民在網上討論區「連登」發佈帖文,斥責市面出現越來越多工程界bootcamp,聲稱完成課程就可以成爲數據工程師,令參與者高估自己的能力。

延伸閲讀:【轉職篇】轉行不會太遲 獵頭分享:要衡量hard skill與soft skill

網民意見及分享:

網民A:「不如搞個醫生bootcamp啦,讀5日就做到醫生。Data science無返個master人哋只會當你係到搞笑。」

網民B:「而家香港好多呢啲,讀完幫你砌埋CV,啲CV一式一樣,連做過啲project名都一樣,我自己都收過幾份。到interview做卷,接近乜都唔識。」

網民C:「無可否認IT呢排係幾缺人,尤其近期唔少人移民走咗,但講緊一個IT degree要讀3-4年,Data Science講緊起碼要個master degree,點解仲會有咁多人妄想讀幾日或者1個月嘅bootcamp就可以取代到人哋幾年嘅努力,講出嚟會唔會太好笑?」

網民D:「老闆肯請又有乜所謂?個遊戲係咁,從來都係20%人做嘢,80%人扮工。」

網民E:「突然有一大堆人唔係讀CS /IT轉去學programming唔係問題,但data science唔係讀幾個月programming出嚟就完,好多methodology文字嘢,要追到一個四年full time bachelor data science嘅學生,仲有好遠的距離。」

網民F:「從來學嘢都係靠自己,唔係因為入哈佛所以勁,而係因為佢勁所以入到哈佛。幾年時間pytorch tensorflow都唔知轉咗幾多代,啲code都唔同哂。IT人唔keep住學根本等bye bye,話知你十年前phD,根本一早outdated。佢哋值錢嘅係logic 同思維,唔係十年前佢大學時學嘅嘢。我對bootcamp出身嘅人無意見,但唔好覺得幾個月就可以job ready……個人認為需要兩年,除非有公司肯畀機會train你。」

網民G:「小弟叫做緊DS,今年差唔多第4年,非CS degree。我未見過啲bootcamp仔唔知佢哋咩水平啦,但我想講我入行嗰時,個世界都未有咩data science master,邊有話咩一定要讀個degree先叫有料?我嗰時都係自己上coursera睇片學,其實仲亂過讀bootcamp啦,我覺得真係睇有無心讀嘅。我反而會覺得個問題係,bootcamp廣告將件事包裝到個return on investment好高,出少少力就多回報咁,搞到出嚟嘅人都係得過且過就算,咩都唔識。我呢排見咁興ds master都有諗過補返個,但最後覺得入面啲嘢都差唔多識哂,真係買沙紙,不如用啲時間學下其他嘢好過。」

網民H:「其實bootcamp無問題,不過出到嚟唔好叫senior人工就得,只可以當係有工作經驗,但基礎差嘅freshgrad。」

 

雖然有網民對於bootcamp的評價苛刻,認爲短時間的學習難以與大學四年的課程相提並論。但亦有網民分享自己自學的經歷,表示學歷並不是唯一的指標,參與者只需要知道bootcamp課程的局限,不要視其為一步登天的捷徑,努力學習去補足課程不足之處,學歷差異也未必構成問題。

►► 三個步驟,自我評估轉工決定﹙按圖了解﹚

延伸閲讀:【轉職篇】轉行不會太遲 獵頭分享:要衡量hard skill與soft skill

延伸閲讀:【職場貼士】30歲轉工會否太遲?三個步驟 自我評估轉工決定

延伸閲讀:【轉工跳槽】疫後5大行業難有轉機 是時候考慮轉行

延伸閲讀:【職場貼士】轉行新手成日出錯壓力大 5件犯錯後要做的事

Look out for further updates on our Facebook fan page!