【職場熱話】外賣送遞員最高月入6萬蚊 網民:呢啲辛苦錢唔係人人賺到

自從疫情之後,嗌外賣成為市民的日常,外賣平台的生意越來越興旺,間接帶動了送遞員的收入。最近有外賣平台公布送遞員的收入排行榜,車手及司機第一位的收入為$66,000,至於步兵及單車手方面則以月入$51,500登上首位。名單引起網民熱烈討論,羨慕做外賣專員薪酬比打工仔還高,但這些「辛苦錢」不是人人賺到。

延伸閱讀:【行業辛酸】騎步送餐期間被偷外賣 要貼錢補買蝕到入肉?

按圖即睇8月份最高收入送遞員:

網民點睇?
網民A:搵咁多錢都無時間使……我自問做唔到,安份打個office工算。
網民B:即係平均一日60單,當你一個鐘做4單都要做15個鐘,呢啲錢抵你賺。
網民C:我有個frd真係試過連續兩個月都搵到45-50k,不過係疫情啱啱開始嗰排,而家咁多人做要爭單爭到死。
網民D:我識人做咗半年步兵減咗60磅,好恐怖。
網民E:其實有人做到,不過辛苦到癲,而家香港天氣成34度,點頂?
網民F:有啲南亞仔真係好勤力,4萬蚊1個月絕對唔係問題囉!
網民G:單車手就算踩到李慧詩咁勁都要回氣,我諗要踩電動單車先有可能有呢個數。
網民H:日日瞓6個鐘,其餘18個鐘都送外賣就做到,3年後應該參加得奧運三項鐵人賽。
網民I:呢個情況似係幾個人Share一個帳戶,一個人要做16個鐘30日先有5萬,但唔會日日都咁多人叫嘢食,5萬肯定係督數。

「步兵」、「車手」等外賣員收入雖然不俗,而隨着職業的興起,也聽到了不少外賣送遞員的辛酸事,而最近在台灣也發生了一宗外賣員取餐時遭受威嚇的事件,令人髮指及側目。

點擊即看事發經過及網民意見:

​​​​​

延伸閱讀:【職場熱話】被迫做上司外賣專員 員工:每5鐘分問我一次送到未……

延伸閱讀:【網絡熱話】打工仔寧辭文職做步兵 網民意見不一︰水尾仲做?!

延伸閱讀:【網絡熱話】外賣員取餐反遭威嚇 網民︰做生意做到咁無品?

 

【最新調查】《CTHR 2021年畢業生薪金及就業調查》結果出爐!立即下載調查報告!

Look out for further updates on our Facebook fan page!