【職場熱話】「成個乞兒咁好核突」 帶飯返工被批好Cheap惹爭議

不少打工仔為了慳錢及健康，都會自備飯盒帶返公司食。近日有網民於討論區發帖狠批，認為同事帶飯返工猶如乞兒，更直言與這些同事共事很丟臉。帖文惹起網民熱議，對事主的言論「睇唔過眼」，紛紛揶揄事主。

【職場熱話】後生同事去旅行酸溜溜 網民：啲錢點用關你咩事？
事主以「好唔明啲同事咁鬼Cheap要帶飯返工食」為題，指出成班人食住個兜成個乞兒咁核突。此外，他們還要飲公司的免費蒸餾水，「出街食個Lunch最多咪五十蚊度咁都唔捨得食連支水幾蚊雞都要慳埋」，更直言「同呢啲垃圾一齊做嘢真係冇面」。

事件惹起網民爭議，不少人反問「帶飯有咩問題」，「喺街食又冇益又多味精，梗係叫屋企工人整午餐最好啦」、「別人的自由，你都要管，你都一樣幾Cheap，關你甚麼事呢」、「有時唔係錢問題，出去一樣唔知食乜」、「樓主入世未深，到你有家庭有兒有女，你會明白」、「50元有咩好嘢食，食埋啲千年殭屍肉，鹽多油多，真係死都死得快啲。自煮原因很多，健康理由、怕逼理由、省錢理由、舒適理由，不一而足，唔係一定要慳錢」。

【職場熱話】男朋友駕Van仔被親人勸分手 事主無奈呻「唔知點做」

網民：帶飯冇問題 但唔好叮有味食物

亦有不少網民揶揄事主，「呢個月尾炒埋你睇你飯兜都冇得你食呀」、「你工作邊區？外邊午餐，等閒一百蚊落樓」、「你平時自己帶水返工，自己帶廁紙」、「自信並唔係這樣煉成的」、「Cheap得過你把口」、「你冇愛心飯盒，眼紅呀」。

另有網民分享其他同事帶飯的經歷，「最憎公司的中女個飯盒又鹹魚又肉餅叮到Office又臭又酸縮一陣怪味！有次忍唔住將個叮緊飯盒暫停成個掉入垃圾桶，跟住女同事喊咗出走去老闆投訴！老闆話下次唔好帶強烈氣味食物返公司，後尾佢覺得委屈辭職」。