【職場熱話】打工仔一星期返足七日精神壓力 有人曾為結婚無放假兩年?

在香港生活壓力大,租樓、食飯、搭車樣樣都是錢,如果要供樓更是百上加斤,有時只打一份全職工都未必能夠應付日常的開支。有打工仔最近就在網上討論區開帖,稱自己因家人有事,致經濟壓力大,因此他選擇返全職工外,更在周末做Part Time幫補家計,但因為整整一個月無休息,令自己精神壓力非常大。網民看到打工仔的帖子後,紛紛留言鼓勵,又有人表示自己是同路人,曾試過因為儲錢結婚,兩三年無放假休息,令人十分痛心。

按圖即睇打工仔和網民的辛酸史︰

打工仔分享︰「屋企人有事,經濟上壓力都幾大,想搵多少少錢,搵咗份Part Time做,淨係返星期六日,暫時試咗一個月,真係攰到個腦用唔到咁,我覺得唔係身體需要休息,而係個腦更需要休息。成個人精神壓力比較大,因為冇時間放鬆。

不過好處係,時間過得好快,同埋慳唔少錢,因為冇得放假出街玩。

網民留言︰

A︰試過正職兼職一齊做,持續咗好幾年,呢啲生活好充實,不過很難捱。

B︰試過做放工,日日都OT,星期六日都要返,做咗幾年。

C︰儲錢結婚時就係咁,維持咗兩三年。

D︰師兄我都想搵返工返埋星期六日,平時一至五要湊仔,所以唔得閒。

E︰試過供樓時,早一份收6:00,之後返屋企沖涼,10:00返第二份通宵,收6:00,第二曰8:00起身返正職,持續兩年,但係供樓冇辦法。

F︰梗係有啦,不過日日都返工,冇休息,個腦都實晒,好似機械人咁。

G︰有乜奇怪?我一年只休四日都做咗十幾年,結婚都只休一日,要揾銭就系咁。

H︰諗真啲,無人無物嘅唔放假真係無乜所謂,我都長期兩份工,儲多啲錢有需要時就感覺到辛苦嘅回報。

I︰試過所有星期六、日、紅日假期都返工,有時仲要返通宵夜班,因為平日要返學,捱咗4年非人生活,斷6親,不過望返轉頭,好快就過咗。

J︰我之前嘅工作大部份係腦力工作,當時覺得好攰,幾年前轉咗勞力工作,個人反而健康咗,而且人工方面都差唔多相差20K。既然用勞力仲搵得多,咁我不如俾個腦休息吓。

K︰加油!為屋企人出力!將來一定有好的回報!

延伸閱讀︰【網絡熱話】30歲搵2萬慨嘆一事無成 網民鼓勵:大器晚成

職場5大狀況 揭示你被Underpaid
打工無非為份糧,有人認為自己搵得不夠多,會另外做多一份兼職賺錢;有人則會爭取加人工。希望升職加人工時,打工仔應該留意同行的市價,如你公司出現以下情況,就很可能是被Underpaid了。

按圖了解更多︰

延伸閱讀︰【職涯規劃】26歲中學畢業做清潔工 打工仔︰月入$16500月月清

延伸閱讀︰【網絡熱話】打工仔發現新同事人工高一截 大呻心理不平衡 網民:你有料咪轉工

Look out for further updates on our Facebook fan page!