【職場熱話】撞見舊同學做麵包舖收銀 打工仔怕對方尷尬無相認 網民:人哋可能係老闆呢

最近有打工仔表示在街上撞見中學同學,發現他在麵包舖做收銀員,為免尷尬而沒有相認。「一來好耐無見唔知講咩好,二來我估佢都未必想被人認得出……」此帖文引起許多網民抨擊,認為事主狗眼看人低,何必要批評別人的職業。

延伸閱讀:【職場熱話】朋友愛比較工作待遇 打工仔大呻心好累:每次食飯都傾人工講到悶

按圖了解網民的遭遇:

網民分享:「以前中學有一個正正常常、幾開朗嘅男仔,成績都算唔錯,老師都睇好佢入大學。點知佢ALevel考衰咗,之後重讀都係入唔到大學,然後就神隱咗。聽朋友講佢無入到大學之後就做咗全職廢青,無讀書無返工。WhatsApp搵佢出街都唔覆,所以好快無晒朋友,大家聚會講起佢都無人知佢近況。上星期出街探朋友,我見有啲餓就入咗間麵包鋪買包食,眼尾望到個收銀員好似佢。我望多幾眼,發現真係佢嚟!個樣同埋身型都無咩點變,咁多年都係咁。其實佢都應該望到我,但我發現佢好快轉移視線,所以我都無諗住同佢相認。因為我覺得大家都好尷尬,一來好耐無見唔知講咩好,二來我估佢都未必想被人認得出……我諗既然佢都有工返,應該都唔會再做返廢青啦掛。」

其他網民點睇?

網民A:人哋有返工都算係咁啦,做收銀無問題喎,唔好睇低人啦。
網民B:每個人有唔同際遇,佢又唔係偷呃拐騙,打咩工咁又點?
網民C:人地揀咩生活關你咩事啫?你咁鍾意比較,又唔拎李嘉誠同你自己比?
網民D:師兄你真係唔識嘢,喺細舖做得收銀嘅人,唔係老細就係太子爺。
網民E:太子爺幫手收錢又話你知咩,佢都驚你會睇唔起自己,所以先唔好意思相認咋!
網民F:最憎人狗眼看人低。就算人哋環境比你差,又何必踩人呢?
網民G:估唔到我畢業之後辛辛苦苦儲錢,買股票發咗達決定開間舖, 間中落去幫手咁啱被你見到,都要被你拎上嚟講,真係好無奈囉~
網民H:人哋大把錢,返Part Time收銀過日晨咋。

正如網民如言,每個人都有不同際遇,追求的目標也不一樣,根本沒有可比之處。與其跟其他人比較,倒不如花心機自我增值。正如動畫《靈魂奇遇記》的故事,以「火花」和「追夢」作主題,提醒大家快樂才是生存的真正意義。電影中有不少情節令打工仔產生共鳴,你看過了嗎?

按圖了解《靈魂奇遇記》10大啟發性金句:

延伸閱讀:【職場熱話】兼職同事變上司? 網民:有咩好比較?

延伸閱讀:【職場熱話】有感與同齡朋友差距漸遠 打工仔無奈︰覺得自己好失敗

【最新調查】《CTHR 2021年畢業生薪金及就業調查》結果出爐!立即下載調查報告!

Look out for further updates on our Facebook fan page!