【職場熱話】為結婚旅行賠一個月糧 網民:好唔抵

【職場熱話】為結婚旅行賠一個月糧 網民:好唔抵

結婚乃人生大事,為了有個難忘回憶,不少新婚夫婦都會在婚後放長假度蜜月。若然公司不批准放假,你願意賠錢給公司早走嗎?近日有網民於討論區發帖指,婚後打算去一個月度蜜月,惟公司最多只批一星期假,事主只好辭職賠錢即走。有網民認為事主做法很不值。

事主指出,十月一日正式註冊,晚上會舉行婚禮,數天後便會到荷蘭渡蜜月,「打算去一個月,但上司話公司年尾十分忙最多畀我放一星期,我唯有辭職並即時生效」。事主指出,其同事認為要賠一個月人工畀公司,又冇咗份Bonus好唔抵。

網民:都咁大個人喇 自己決定啦
有網民亦認為賠錢走好唔抵,但萬事都應由事主衡量,「咁如果純以金錢看,你又要冇Bonus,又要賠錢,當然不值。但你覺得間公司點先,條件福利好不好,如反正都要辭職,就乘勢去蜜月也可以」、「你都預咗賠錢唔撈,冇話抵唔抵,唔通你唔去渡(度)蜜月咩」。

亦有網民指事主不用介意別人的想法,「你咁型,唔晒(使)再介意人點睇喇。不過如果你真係做得出,其實心底𥚃可能你已經覺得遲啲會搵得返」、「有錢生活冇休就冇所謂」、「有錢唔怕賠一個月畀公司」。
 

Look out for further updates on our Facebook fan page!

Related Articles

More