【職場熱話】男人30歲應有多少積蓄？ 網民：最少要有$80萬

男人三十而立，對很多人來說，30歲就像一個關口，要開始計劃成家立室，事業又要去到另一個里程碑。近日有網民於討論區發帖問，「男人30歲，銀行應該要有幾多錢」，帖文惹起網民熱議，紛紛講出自己有多少積蓄。

【自我增值】份糧成日都唔夠使？5大消費壞習慣你要知

雖然帖文中「冇圖冇真相」，但有網民認真以年收入推算30歲時應有多少錢，「每年儲10萬，23歲做嘢，$70萬左右正常」、「中肯啲講，一百萬係最基本。當你23歲先出嚟做嘢，每月只儲$1萬，儲7年都有$84萬，7年當中有投資增值，有一百萬係好簡單亦儲得唔算辛苦，都未計bonus同人工增長儲多啲」、「32歲有$130萬左右，畢業頭幾年做垃圾工戶口長期得幾萬蚊，呢幾年搵多咗加上長期自閉式生活唔洗錢儲」。

不過，「講就天下無敵，做就有心無力」，不少網民道出年青人的寫照，「出年先30，計過到時應該儲得十零萬，畢業頭幾年出嚟做啲垃圾工根本儲唔到錢月光族」、「27歲得$2萬，得閒去下旅行，又裸辭，完全唔諗後果」、「33歲，已結婚，老婆冇嘢做，0存款月月清」、「真係難啲，一拍拖就好多錢洗，去下旅行又洗啲」、「畢業出嚟得10K，扣埋老強（強積金）10K都冇，畀埋家用還學債，都冇乜剩，果陣心態係反正儲嚟買唔到樓又冇拖拍咪洗下錢」。

唔想做「月光族」，不妨參考以下文章，助你更精明地儲蓄。
【自我增值】月入一萬家用5千如何儲錢？ 3個簡單理財方法