【職場熱話】網民分享Last Day遭遇 最難頂莫過於……

【職場熱話】網民分享Last Day遭遇 最難頂莫過於……

每當自己在一間公司Last Day,都會百般滋味在心頭,想起與同事的一點一滴,想起曾經千辛萬苦趕起計劃書等,都教人難以忘記。近日有網民於討論區發帖指,最近被公司裁員,其總經理打算請食飯,惟最後竟要到美食廣場自費午餐,令事主非常難受。

事主指,被公司裁員已經唔太開心,總經理打算請食午餐,作最後道謝,「我開頭都話唔晒,佢話點都食一餐,咁我都無咩所謂就去啦」。直到午飯時間,有餐廳要一點半才有位,惟當時只是一點十五分,「佢哋話唔等咪唔等囉。雖然平時佢哋有時都食到2點幾3點」。

自費食Food Court 事主:好唔受尊重
最後,一眾同事到美食廣場用餐,並沒有說好的「總經理請食飯」,「我覺得好唔受尊重,同埋本身都唔係好想同佢哋食飯,當時已經黑晒面,走過陣GM仲話,不如請你食甜品,我即刻嬲到話唔使,跑返公司執嘢走人」。

事主直言公司窮到遣散費都不能即時給員工,「我都自願等MPF公司個幾月後直接畀返我,我覺得自己都仁至義盡,估唔到最後仲要做到好似乞食咁!真係勁嬲」。

有網民認為事主「全公司冇人理你當透明」,並安慰道:「唔緊要H,當你第日事業有成,當日望返轉頭,只不過小事一樁啫」、「有人同你食Lunch好過當平常一日,走咗都無人知,呢啲先叫無人重視過」。亦有網民分享其Last day經過,「我試過Last day老頂仲做我同客開會;會議中亦冇提及我唔做同交接安排,搞到差唔多四點,爭啲散水餅都買唔切」、「到Last day都求我留低,已經早咗3個月前通知,老闆喊晒咁問我點解咁對佢,我差啲心軟」。
 

Look out for further updates on our Facebook fan page!

Related Articles

More