【職場熱話】返一個月暑期工買唔買散水餅? 網民:做壞規矩

【職場熱話】返一個月暑期工買唔買散水餅? 網民:做壞規矩

正值暑假,不少學生為了賺外快及汲收經驗,都會做暑期工。近日有網民於討論區發帖,問返一個月暑期工,到辭職時應否買「散水餅」,帖文惹起網民熱議。

好來好去定多餘?網民各有意見
有網民認為,買散水餅可謂好來好去,「返半日都要買,個名臭咗好難再搵工」。另有網民表示曾返了一星期暑期工,仍買散水餅感謝身邊同事。

亦有網民認為,其實只返一個月暑期工,「無人會認得你」,甚至「分分鐘辭咗職都無人知」。另有網民指返暑期工「唔係賺得多」,「留返啲錢傍身仲好」,更笑言買散水餅會做壞規矩,勸事主千萬不要買。

不過,有網民表示,派「散水餅」係睇你自己想唔想,「當年實習咗個半月,同事對我好好,真係教我嘢又帶埋我去啲會議學嘢,真心覺得好感謝佢哋,所以走嗰陣買咗餅及咖啡券俾自己team,但佢哋都有請我食飯同送小禮物俾我」。
 

Look out for further updates on our Facebook fan page!

Related Articles

More