【職場熱話】餐廳入面有地盤佬就唔想入去食飯? 即被網民炮轟:乜嘢職業都要食飯!

打工仔放飯時,喜歡選擇甚麼餐廳?方便快捷、又平又怟,還是寧靜高貴,費用相當地享受?大家多數都只會考慮價錢、食物質素、時間快慢問題,但竟然有人會考慮在餐廳中用餐的有甚麼人……

延伸閱讀:【另類職人】街巿出身空姐轉行開凍肉鋪 無暇因公司倒閉而失落:要向前行生活!

有網民在社交平台專頁「扮工室Online」上發文分享,提出:「有冇人平時食lunch,如果見到間餐廳入面有地盤佬、裝修佬就會唔入個去食?」

結果惹來大家熱烈討論,網民群起炮轟事主,指提出此問題是否歧視和嫌棄地盤工人,實在非常失禮且欠尊重!

 

即睇網民回應:﹙按圖了解﹚

網民:「有位一定會入去食添啦,地盤大佬去得嘅,一定服務夠直接又親切,食物又唔會差嘅餐廳,佢哋辛苦做嘢,食嘢特別有少少要求,同埋以前做過餐廳,佢哋最識做,唔會阻住人做生意又唔會要求呢樣嗰樣,食完走人。」

網民:「呢個問題,真係好有問題。」

網民:「我做飲食業,我見到地盤佬就算粗聲粗氣,我都會特別好招呼,因為粗聲粗氣唔代表佢無禮貌,佢哋平時工作環境好嘈慣咗大聲,無佢哋嘅話,你依家可能瞓街,我反而見到歧視地盤佬嘅客,我會對佢特別差!」

網民:「以前我做售貨員,最好的客人就是地盤佬,永不講價買嘢快靚正,相反那些睇佢斯斯文文的人,麻煩多多又要講價,有時攪一輪又話唔買!我相信樓主係第二類的人!」

網民:「仲有地盤佬唔會麻麻煩煩,佢叫嗰樣我哋無,佢諗都唔洗諗就會食第二樣,唔似有啲西裝友,無呢樣又黑晒面,又呢又路搞一輪先落到單。」

網民:「無佢哋嘅話,樓主你可以瞓街喇!」

網民:「我哋當然唔可以歧視別人的工種,大家都係人,佢哋都好辛苦為香港人服務,每日係咁猛烈的陽光下工作,我都好佩服他們的堅毅。能夠係中午時段嘆一陣冷氣、吃一頓豐富的午餐,已經心滿意足,所以我一直都好尊敬他們。每當我係冷氣房工作時,諗起外面工作的人,我就好唔舒服,佢哋為糊口為養家,日曬雨淋都要繼續工作,佩服!」

網民:「隨時佢哋人工多過你幾皮,尊重吓人!」

網民:「乜嘢職業都要食飯㗎啦,又唔係偷又唔係搶,我覺得無問題,係尊重同平等!」

網民:「對唔住。我喺地盤工友,可唔可以發送我清晰照片,等我畀我班工友,如果見到你食緊嘢,我哋盡可能唔入去,無謂搞到你食得唔舒服或中途埋單走。我哋一路帶畀你唔好嘅形象,我深感抱歉。」

網民:「任何職業都需要尊重。」

網民:「有佢哋班叔叔喺度食先開心!夠隨便、唔拘謹,聽佢哋吹水好多笑料!」

網民:「地盤工人其實個個都心地好好,我發覺佢哋見到小朋友嘅時候,係真心內心咁笑出嚟。」

網民:「如果嗰個地盤工人係你老豆,倒垃圾嗰個係你阿媽,你會唔會睇小佢哋?無學識嘅人都識咩叫尊重,但你無!真係無都唔知你屋企人點敎你。」

 

尊重與平等
事主提出的問題,其實真的很失禮,正如網民所說,所有職業都有食飯的權利,任何職業都需要尊重。網民更紛紛大讚地盤工友的優點,例如:「以前做過餐廳,佢哋最識做,唔會阻住人做生意又唔會要求呢樣嗰樣,食完走人。」、「最好的客人就是地盤佬,永不講價買嘢快靚正,相反那些睇佢斯斯文文的人,麻煩多多又要講價,有時攪一輪又話唔買!」

更有網民指,地盤工友挑的餐廳一定又平又好食,所以完全不會介意他們在場,反而是一個怟食指標,亦有網民指:「有佢哋班叔叔喺度食先開心!夠隨便、唔拘謹,聽佢哋吹水好多笑料!」

延伸閱讀:【另類職人】街巿出身空姐轉行開凍肉鋪 無暇因公司倒閉而失落:要向前行生活!

延伸閱讀:【另類職人】自小幫家人開雞檔 現以跳舞、演藝為生 Catry:從來冇為街巿出身而自卑!

延伸閱讀:【另類職人】凶宅清潔師見盡凶案現場 血跡未算最驚心 更試過被報夢…

延伸閱讀:【戶外工作】以新聞攝影紀錄歷史 上山下海、更曾中彈 只憑一份使命感

延伸閱讀:【另類職人】劍擊十年 由運動員到社工 轉職感言:兩者最着重同是「溝通」

Look out for further updates on our Facebook fan page!

Related Articles

  • 【重陽節】公司要求重陽節一齊登高 變相OT?網民:打風!連個天都幫埋你!

    熱帶風暴「獅子山」剛剛離去,不過假日的安排全被此長時間8號波打亂……而另一熱帶風暴「圓規」又正迫近,更剛好撞正重陽節,大家的安排又會再次被打亂嗎?有打工仔的公司卻要求當天與大家一同行山……

  • 【職場熱話】最癲見過同事將咩私人物品帶返公司? 網民:砧鈑、菜刀、調味料

    當公司是屋企,究竟是好事還是壞事呢?有些同事對公司很有歸屬感,帶很多私人物品回公司,就如拖鞋、毛氈、裝飾品、相架等,不過,上述的都太普通!如果你真的將公司當成屋企,就應該將茶水間當成你的私人廚房才對!

  • 【職場人際】同事男朋友嚟接放工 避免尷尬想分開行 同事卻堅持一齊行…

    放工與同事一起走,可能是最尷尬的時間!如果談得上的話,就是愉快的下班時間,如果不太「啱咀形」的,就一定會藉故走另一條路吧?

  • 【社工熱話】社工陪老闆去見客被嫌寒酸 老闆:下次全身都要着返名牌

    做社工,當然希望可以幫助更多人解決生活上的情緒、家庭、感情等問題,不過在提供專業服務外,其實還有很多其他行政和雜項工作需要負責。其中,就如本文章分享一樣,有些社工需要陪上司或老闆去見客。

  • 【職場文化】老闆開會遲放飯 應該遲返定準時返? 網民:梗係順延遲返啦!

    打工仔最着注的是甚麼?當然是放飯和放工,遲一秒都不想!如果因為老闆的關係,而要遲放飯和遲放工,這實在是天理不容的事!

  • 【薪金比較】女朋友人工高過自己會唔會好自卑? 網民:錢唔係衡量人嘅標準

    同是打工仔的情侶,少不免會因為薪金高低而有所比較,如果女朋友的薪金比自己高,現今的男打工仔又會計較嗎?會覺得自卑嗎?

  • 【職場熱話】一人一句職場上難聽過粗口嘅說話 網民:下個升你㗎 不過…

    縱橫職場多年,你會發現老闆和上司們都會講過一些帶有冒犯意味的說話,有時真的比粗口更難聽!如果要盤點這些說話,各位打工仔覺得哪句最難聽,會令你的怒火一觸即發?

  • 【職場熱話】同事提議夾份租office附近單位住 網民:被炒魷點計?

    返工就如打仗一樣,雖要迫車、過五關斬六將,盡力趕在上班時間前達陣!想早起、想早點食早餐,似乎永遠只是一個夢想……但如果搬近一點公司呢?那便可以節省很多時間了?

  • 【職場熱話】辦公時間唔畀用電話 每日兩個鐘小息先用得 網民:屋企有急事點算?

    各位打工仔的公司有沒有一些奇怪的規矩?例如,不能多於一個人去廁所、同事們不能一起食lunch、不得外出用膳等,而近日有幾位網民都分別分享,自己的公司禁止員工在辦公時間使用電話,有公司更要求員工上班時鎖電話於Locker內,非常專制!在這個善用科技的年代,竟然還有如此倒退的事情發生,真的實在太令人驚訝了……

  • 【職場熱話】全個部門都係女同事真係好煩 網民:講吓化妝、韓星、港星…

    經常有不同行業的打工仔指,職場上只有同性工作,即全男班、全女班,真的非常枯燥。但如果自己能成為萬綠叢中一點紅的存在,又會否得到天堂般的待遇呢?