【職場熱話】90後每月請3日朝早病假 管理層上網求解決方法

【職場熱話】90後每月請3日朝早病假 管理層上網求解決方法

不少人表示,現在的後生仔、後生女唔鬧得,在工作上遇到他們都不知應如何應對。近日就有網民於Facebook群組「奴工處」投稿指,公司裡的90後多次疑因唔想起身而請朝早病假,惟公司不會炒人,不知如何應付該同事。

事主聲稱是一名小主管,要照顧一班90後。他認為90後唔鬧得又唔話得,其中一位同事一個月最少請3日朝早病假,不過,這名90後下午能夠上班,擺明係無病,「明顯係朝早懶,唔想起身所以請半日病假」。事主指,由於該90後同事沒上班,令其他同事要代他完成工作,公司更不會炒人,「真心請教大家點樣處理90後」。

網民:唔係個個90後都係咁!
有網民不滿事主將所有90後一概而論,「我90後返工有早無遲囉」、「其實唔關年紀事」、「我的90後同事即使放假,知多嘢做,會主動銷假返工,病了都會要求返工。其實同年齡無關」。

另有網民指,先不要假設該名90後是唔想起身,「病呢家嘢真係好難講,唔可以期望個個人一樣」、「千祈唔好第一句就鬧佢」、「點解假設佢三天朝早病假都係唔知醒?有證據?會唔會佢屋企有事?要照顧?有難處?」

網民建議事主應多點與下屬溝通,「想解決問題,應真正了解下屬困難點,幫佢拆到彈咁你自己先拆到彈。需要聆聽,了解,尋求方法」、「病假太多可要求醫生證明,又或者成立獎賞制度,提升下積極性」。
 

Look out for further updates on our Facebook fan page!

Related Articles

More