【職場熱話】Party Room大揭秘 員工:家長港女鍾意拎著數

【職場熱話】Party Room大揭秘 員工:家長港女鍾意拎著數

近年掀起Party Room熱潮,不少人租用工廈場地,再以「出租多用途」場地方式作招徠,設立各色各樣的Party Room。日前有聲稱是Party Room的員工於網上分享經歷指,接觸過不同年齡層的客人,有些更喜歡「拎著數」。

事主指自己做了數年Party Room全職員工,見得最多的,就是飲醉酒及無理取鬧的客人,「試過有客飲醉將酒倒晒成地都係,又指住人嚟鬧」,最後唯有找老闆來跟客人調停。

港女、家長要求多多 「試過小朋友整親要我哋賠錢」
而事主亦遇過無理取鬧的客人,「港女喜歡拎著數,咩都要就晒佢,又話你唔識做生意,其實都係想我計平啲」。另一種港女則以為「畀咗錢就大晒」,「話你盤到會咁細盤,心諗你畀得咁多就係咁多,同埋人哋有寫明盤嘢食幾大」。

除了港女,還有家長及公司客,「家長成日想收平啲,又想我哋睇埋細路,整親又要講到要告你咁。試過有班家長同小朋友玩玩下整親,就叫我哋賠錢,仲要免加一」。公司客曾試過唔跟遊戲規則來遊戲,「又要話返你啲遊戲係垃圾」。

帖文中較多人關心的是衞生問題,事主指Party Room內的波波池,一星期清洗一至兩次,叫網民「心中有數,唔講啦,最好著襪」。
 

Look out for further updates on our Facebook fan page!

Related Articles

More